अहमदनगर जिल्हा आता ‘अहिल्यानगर’; राज्य शासनाकडून अधिसूचना जारी

राज्य शासनाने ४ ऑक्टोबरला ‘अहमदनगर’ शहराचे नामकरण ‘अहिल्यानगर’ करण्यात येत आहे

लोकमत न्यूज नेटवर्क, अहमदनगर : अहमदनगर शहरानंतर आता अहमदनगर जिल्ह्याचे नाव ‘अहिल्यानगर’ करण्याची अधिसूचना राज्य शासनाने प्रसिद्ध केली. अहमदनगर तालुका व उपविभागाचे नाव बदलून ते अहिल्यानगर करण्यात आले आहे. राज्य शासनाने ४ ऑक्टोबरला ‘अहमदनगर’ शहराचे नामकरण ‘अहिल्यानगर’ करण्यात येत आहे, असे राजपत्र प्रसिद्ध केले. महसूल व वनविभागाने ८ ऑक्टोबरला अहमदनगर जिल्हा, उपविभाग, अहमदनगर तालुका व अहमदनगर गाव यांचे नाव ‘अहिल्यानगर’ करण्यात येत आहे, अशी अधिसूचना प्रसिद्ध केली.

शासनाने राजपत्र प्रसिद्ध केले असले तरी स्थानिक पातळीवर प्रशासनाने याबाबत नागरिकांना बुधवारी सायंकाळपर्यंत अधिकृतपणे काहीही अवगत केलेले नाही.