बदल्यांच्या कोट्यासाठी ‘झेडपी’ अध्यक्षांची लॉबिंग

जिल्हा परिषद अध्यक्षांकडील २0 बदल्यांचा कोटा कायम ठेवावा यासाठी यवतमाळातून लॉबिंग केले जात आहे. त्याचाच एक भाग म्हणून येथील जिल्हा परिषद अध्यक्षांनी मुंबईवारी केली आहे.

यवतमाळ : जिल्हा परिषद अध्यक्षांकडील २0 बदल्यांचा कोटा कायम ठेवावा यासाठी यवतमाळातून लॉबिंग केले जात आहे. त्याचाच एक भाग म्हणून येथील जिल्हा परिषद अध्यक्षांनी मुंबईवारी केली आहे.

गेल्या वर्षी जिल्हा परिषद अध्यक्षांना २0 बदल्यांचा कोटा दिला गेला होता. या बदल्या त्यांनी एकत्र किंवा वर्षभरात टप्प्याटप्प्याने करायच्या होत्या. या कोट्याआड जणू आर्थिक उलाढालीची मूभा दिली गेली होती. परंतु यावर्षी धडकलेल्या बदल्यांच्या नव्या आदेशात हा कोटा गोठविण्यात आला आहे. त्यामुळे यवतमाळसह राज्यभरातील जिल्हा परिषद अध्यक्ष अस्वस्थ झाले आहे. हा कोटा परत मिळावा म्हणून येथील जिल्हा परिषद अध्यक्ष प्रवीण देशमुख यांनी लॉबिंग केले. राष्ट्रवादीच्या ताब्यात असलेल्या जिल्हा परिषदांसह काँग्रेसमधील

आचारसंहितेमुळे जिल्हा परिषदेतील ५00 ते ७00 बदल्यांना स्थगनादेश मिळाला आहे. शिक्षकांच्या बदल्या मात्र चांगल्याच लांबणीवर पडण्याची चिन्हे आहे. कारण आधी आरटीईनुसार पदनिर्धारण व त्यानंतर समायोजन करण्याचे निेर्देश आहे. त्यानंतर कुठे शिक्षकांच्या बदल्या होणार आहे. पदनिर्धारणाबाबत शासन सूचना तथा आकृतीबंध देणार आहे. त्याची प्रतीक्षा आहे. आता आचारसंहिता लागल्याने या बदल्या ऑगस्टपर्यंत लांबण्याची शक्यता आहे.

(जिल्हा प्रतिनिधी)

‘कनेक्टेड’ अध्यक्षांना देशमुखांनी स्वत: संपर्क केल्याची माहिती आहे. सरकारवर दबाव निर्माण करण्यासाठी एकवटण्याचे आवाहन त्यांनी केले. त्यानंतर अध्यक्षांनी मुंबईवारीही केली. आत्ताच लोकसभेची आचारसंहिता संपली. पुन्हा शिक्षक मतदारसंघ निवडणुकीची आचारसंहिता लागल्याने कामकाज कसे खोळंबले याची माहिती देशमुख यांनी मुंबईत पक्षाच्या नेत्यांना दिली. कोटा कायम ठेवण्याबाबतही चर्चा झाल्याचे सांगितले जाते. त्यातच जिल्हा परिषदेचे प्रशासन बोलताना गोड पण कागदावर काटेकोर वागत असल्याने राष्ट्रवादीची येथे अडचण होत आहे. तर दुसरीकडे प्रशासनाच्या गोड बोलण्यामुळे पदाधिकार्‍यांचा अन्य विभाग प्रमुखांवर दबाव वाढत असल्याचा सूर आहे.