पुसद तालुक्याची आरोग्य यंत्रणा झाली अलर्ट

कोरोनामुळे लॉकडाऊन जाहीर झाल्याने मुंबई, पुणे आदी महानगरासह परप्रांतात अडकून पडलेले नागरिकांचे लोंढे पुसद शहर व तालुक्यात परत येत आहे. तालुक्यातील एका गावातील मूळचा रहिवासी असलेला एक ४५ वर्षीय इसम मुंबई येथे गेल्या १५ वर्षांपासून सुरक्षा रक्षक (सीक्युरिटी गार्ड) म्हणून आपल्या कुटुंबियांसह काम करतो. १४ मे रोजी तो पत्नी, मुलगा व कुटुंबियासह मेटॅडोअरने पुसदला पोहोचला. नंतर आपल्या गावी गेला.

ठळक मुद्देएक संशयित मुंबई येथून परतला : ताप, खोकल्यावर उपचार सुरू, तूर्तास एकही कोरोनाबाधीत नाही

लोकमत न्यूज नेटवर्कपुसद : मुंबई येथून परतलेल्या एकाला शनिवारी सायंकाळी उपजिल्हा रुग्णालयातील आयसोलेशन वॉर्डात भरती करण्यात आले. ताप व खोकल्याची लक्षणे असलेल्या इसमावर सध्या उपचार सुरु असून सदर इसमाची मुंबई प्रवासाची ‘हिस्ट्री’ असल्याने तालुक्याची आरोग्य यंत्रणा ‘अलर्ट’ झाली आहे.कोरोनामुळे लॉकडाऊन जाहीर झाल्याने मुंबई, पुणे आदी महानगरासह परप्रांतात अडकून पडलेले नागरिकांचे लोंढे पुसद शहर व तालुक्यात परत येत आहे. तालुक्यातील एका गावातील मूळचा रहिवासी असलेला एक ४५ वर्षीय इसम मुंबई येथे गेल्या १५ वर्षांपासून सुरक्षा रक्षक (सीक्युरिटी गार्ड) म्हणून आपल्या कुटुंबियांसह काम करतो. १४ मे रोजी तो पत्नी, मुलगा व कुटुंबियासह मेटॅडोअरने पुसदला पोहोचला. नंतर आपल्या गावी गेला. १५ मे रोजी सायंकाळी तो येथील उपजिल्हा रुग्णालयात तपासणीसाठी आला. वैद्यकीय अधीक्षक डॉ. हरिभाऊ फुपाटे यांनी त्याची आरोग्य तपासणी करुन आयसोलेशन वॉर्डात भरती केले. सदर इसमास रक्तदाब व मधुमेह आदी आजार असल्याची विश्वसनीय माहिती मिळाली. या संशयित रुग्णावर उपजिल्हा रुग्णालयातील आयसोलेशन वॉर्डात उपचार सुरू आहे. सोबत त्याची पत्नी असल्याची माहिती डॉ. फुपाटे यांनी दिली.१०८ रुग्णवाहिका हजर ठेवाकोरोना विषाणू प्रादुर्भावाच्या पार्श्वभूमीवर तालुकास्तरावर कोव्हीड केअर सेंटर आणि डीसीएचसीमधील कोव्हीड रुग्णांकरिता १०८ रुग्णवाहिका एमएच १४ सीएल ११४५ ही गाडी येथील उपजिल्हा रुग्णालयातच हजर ठेवा, असे लेखी आदेश उपजिल्हा रुग्णालयाच्या वैद्यकीय अधीक्षकांनी रुग्णवाहिकेवर कर्तव्य बजावणाऱ्या कर्मचाऱ्यांना दिले आहे.कोरोना महामारीने संपूर्ण जगात थैमान घातले आहे. कोरोनाचा वाढता संसर्ग रोखण्याकरिता शासन व प्रशासन विविध उपाययोजना राबवीत आहेत. त्यादृष्टीने तालुक्यातील आरोग्य यंत्रणा सतर्क झाली आहे. तालुक्यात सध्या एकही कोरोना पॉझिटिव्ह आढळला नसल्याचा दावा प्रशासन व आरोग्य यंत्रणा करीत असली, तरी सध्याच्या काळात मुंबई व पुणे येथून मजुरांचे लोंढेच्या लोंढे शहर व तालुक्यात दाखल होत आहेत. या पार्श्वभूमीवर आरोग्य यंत्रणा अलर्ट झाली असून आता १०८ रुग्णवाहिकेवर कर्तव्य बजावणाºया वैद्यकीय अधिकारी व कर्मचाºयांना हे वाहन उपजिल्हा रुगणालयातच उपस्थित ठेवण्यात यावे, असे आदेशीत करण्यात आले आहे. यासाठी जिल्हा शल्य चिकित्सक डॉ. तरंगतुषार वारे यांच्या आदेशाचा हवाला देण्यात आला.आमदारांनी आरोग्य यंत्रणेला केले अवगतसदर संशयिताला कोरोनासारखी ताप व खोकल्याची लक्षणे असल्याने आयसोलेशन वॉर्डात भरती केले. चौथ्या दिवशी त्यांचा ‘स्वॅब’ घेतला जाईल. सध्या त्याची प्रकृती चांगली असल्याची माहिती जिल्हा शल्य चिकित्सक डॉ. तरंगतुषार वारे यांनी दिली. यासंदर्भात आमदार डॉ. वजाहत मिर्झा यांनी जिल्हा शल्य चिकित्सकांशी चर्चा करुन आरोग्य यंत्रणेला अवगत केले आहे.