माजलगाव धरण ताज्या मराठी बातम्या | Majalgaon Dam Online News in Marathi at Lokmat.com

माजलगाव : मागील पंधरवाड्यात झालेला दमदार पाऊस व धरण परिसरात सोमवारी सायंकाळी झालेल्या मुसळधार पावसामुळे धरणाच्या पाण्यात मोठी वाढ झाली. मंगळवारी दुपारपर्यंत धरणाची पाणी पातळी १२ टक्के झाल्याने बीड व माजलगाव शहरासह अनेक गावचा पाणी प्रश्न सुटण्यास मदत होणार असून शेतकरी वर्गात आनंद आहे.परतीच्या पावसाने अनेक वेळा मृत साठ्यात असलेले हे धरण अनेक वेळा भरले होते. मागील १५ दिवसात परतीचा दमदार पाऊस पडत असल्याने धरणाच्या पाणी पातळीत चांगली वाढ पहावयास मिळाली. ७ आॅक्टोबर रोजी हे धरण मृतसाठ्यातून बाहेर पडले. यावेळी या धरणात ४२६.११ मीटर एवढा पाणी साठा झाला होता. मंगळवारी दुपारी या धरणात ४२६.५६ मीटर पाणी पातळी होती व एकूण पाणीसाठा हा १५८ दलघमी एवढा होता, तर ५.२६ टक्के एवढा पाणी साठा उपलब्ध होता. २४ तासात पाणी पातळीत वाढ होऊन ती ४२७.१० मीटर झाली होती. धरणात एकूण पाणी साठा १८० दलघमी झाला यामुळे टक्केवारी वाढ होऊन १२.१८ झाली होती.परतीच्या प्रवासाने धरणाची पाणी पातळीत वाढ झाल्याने बीड व माजलगाव शहरासह अनेक गावच्या पिण्याच्या पाण्याचा प्रश्न सुटणार आहे. गेल्यावर्षी हे धरण पावसाळा संपला तेव्हा धरणात १२६.१० दलघमी ऐवढाच एकुन पाणी साठाच होता. यावेळी धरण मृतसाठयाखालीच होते.धरणाची पाणी पातळी वाढल्याने शेतकरी वर्गात आनंद व्यक्त केला जात आहे. यावर्षी उन्हाळ्यात प्रचंड दुष्काळ पडला, धरणाची पाणी पातळी अत्यंत खालावली होती. हे धरण भरण्यासाठी ४३१.८० मीटर एवढे पाणी लागते. ३० जून रोजी या धरणाची पाणी पातळी ४२३.०० मीटर ऐवढी झाली होती. यावेळी धरणात ६६ दलघमी एवढाच पाणी साठा शिल्लक होता. या धरणात ४५४ दलघमी ऐवढा पाणी साठा आवश्यक असतो. धरण क्षेत्रात थोडा फार पाऊस झाल्याने व पैठण येथील जायकवाडी धरणातून १३ आॅगस्टपासून सोडण्यात आल्याने ९४.४० दलघमी पाणी साठा झाला होता.तर ४२४.३८ मीटर ऐवढी पाणी पातळी धरणात झाली होती.हे धरण टक्केवारी येण्यासाठी ४२६.११ मीटर ऐवढा पाणी साठा आवश्यक असताना धरण टक्केवारीत येण्यासाठी १.७३ मीटर पाणी आवश्यकता होती. मागील दोन दिवसांत धरण क्षेत्रात चांगला पाऊस झाला व आज गुरुवारी सायंकाळी एक तास जोरदार पाऊस झाल्याने धरणाची पाणी पातळी वाढून धरण मृतसाठ्यातून बाहेर आले आहे. आता धरण भरण्यासाठी साडेपाच मीटर पाणीपातळीची गरज आहे. असाच पाऊस सुरू राहिल्यास धरण भरू शकेल असा अंदाज आहे.

माजलगाव धरण, मराठी बातम्याFOLLOW

Majalgaon dam, Latest Marathi News

अतिक्रमण ७ दिवसांच्या आत स्वखर्चाने काढण्यात यावे असे या नोटिसमध्ये नमूद करण्यात आले आहे. ...

11 gates of Majalgaon dam opened धरणात पाण्याची आवक वाढल्याने तातडीने केला विसर्ग ...

धरण पूर्ण क्षमतेने भरले असल्याने धरणातून पाणी सोडण्यात आले होते. धरणाची पाणी पातळी ४३१.८० मीटर एवढी आहे. ...

माजलगाव तालुक्यातील २७ गावांना अतिसतर्कतेचा इशारा ...

यावर्षी पावसाळा सुरू झाल्यापासुनच धरणाची पाणी पातळी झपाट्याने वाढत होती. ...

माजलगाव धरण १०० टक्के भरण्यासाठी ९ इंच पाणी पातळीची आवश्यकता ...