मार्निंग वॉक करणाऱ्याच्या गळयातील सोनसाखळी खेचून चोरटयाचे पलायन

मार्निंग वॉकसाठी घरातून बाहेर पडलेल्या तेजसिंग गैराल (५९, रा. वर्तकनगर, ठाणे) यांच्या गळयातील ६० हजारांची सोनसाखळी खेचून मोटारसायकलीवरुन दोघांनी पलायन केल्याची घटना रविवारी पहाटेच्या सुमारास घडली.

ठळक मुद्दे वर्तकनगर पोलीस ठाण्यात गुन्हाशास्त्रीनगर येथील घटना

लोकमत न्यूज नेटवर्क
ठाणे: मार्निंग वॉकसाठी घरातून बाहेर पडलेल्या तेजसिंग गैराल (५९, रा. वर्तकनगर, ठाणे) यांच्या गळयातील ६० हजारांची सोनसाखळी खेचून मोटारसायकलीवरुन दोघांनी पलायन केल्याची घटना रविवारी पहाटेच्या सुमारास घडली. याप्रकरणी वर्तकनगर पोलीस ठाण्यात जबरी चोरीचा गुन्हा दाखल झाला आहे.
तेजसिंग हे सकाळी फेरफटका मारण्यासाठी २५ जुलै रोजी पहाटे ५ वाजण्याच्या सुमारास घराबाहेर पडले. ते पोखरोण रोड क्रमांक एक येथून उपवन ते कॅडबरी कंपनीकडे जाणाºया मार्गावरुन पायी समतानगर येथील आपल्या घराकडे जात होते. ते पहाटे ५.३० वाजण्याच्या सुमारास शास्त्रीनगर येथील रेप्टाकोर्स कंपनी गेटजवळ आले होते. त्याचवेळी त्यांच्या पाठीमागून अचानक मोटारसायकलीवरुन आलेल्या एका चोरटयाने त्यांच्या मानेवर हात टाकून त्यांची २० ग्रॅम वजनाची सोनसाखळी खेचून मोटारसायकलीवरुन पलायन केले. याप्रकरणी वर्तकनगर पोलीस ठाण्यात जबरी चोरीचा गुन्हा दाखल झाला आहे. पोलीस उपनिरीक्षक एस. एस. शेट्टी याप्रकरणी अधिक तपास करीत आहेत.