डोंबिवली : शीतपेयामध्ये गुंगीचे औषध टाकून प्रवाशांना लुटणाऱ्या भामट्याला कल्याण लोहमार्ग पोलिसांनी अटक केली आहे. गोविंदराम चौधरी हे आरोपीचे नाव असून, आतापर्यंत अनेक जणांना त्याने लुटल्याची माहिती पोलिसांनी दिली आहे. त्यामुळे रेल्वे प्रवासात अनोळखी व्यक्तीकडून काही खायला किंवा प्यायला घेत असाल तर आता सावधान राहण्याचे आवाहन पोलिसांनी केले.
काही दिवसांपूर्वी दिलीपभाई साकला (रा. बंगळुरू) हे कल्याण रेल्वे पोलीस ठाण्यात तक्रार घेऊन आले होते. पोलिसांनी विचारपूस केली तेव्हा त्यांनी सांगितले की, ट्रेनमध्ये एका युवकाने माझ्यासोबत मैत्री केली. त्याने माझ्याकरिता शीतपेय आणले. ते घेतल्यानंतर झोप आली. पोलीस समजून गेले की, त्यांना गंडा घालण्यात आला आहे. पोलिसांनी तपास सुरू केला असता वडदोरा रेल्वे पोलिसांकडून माहिती मिळाली की, चौधरी या व्यक्तीला ताब्यात घेण्यात आले असून, त्याने कल्याण जवळपास ट्रेनमध्ये एका व्यक्तीला लुटले आहे. याप्रकरणी वरिष्ठ पोलीस निरीक्षक वाल्मीक शार्दुल यांचे म्हणणे आहे की, चौधरी हीच व्यक्ती आहे की ज्याने त्या प्रवाशालाही लुटले होते.
या प्रकरणात तपास केल्यानंतर राजस्थान येथून चोरी गेलेले महागडे ब्रेसलेट पोलिसांनी हस्तगत केले आहे. चौधरी हा राजस्थानचा राहणारा आहे. चांगल्या घरातील आहे. त्याला आफीमचे व्यसन आहे. तो रेल्वे प्रवाशांना खाण्यापिण्याच्या पदार्थामध्ये गुंगीचे औषध देऊन लुटतो. वडदोरामध्ये अशा प्रकारचे त्याने दोन गु्न्हे केले आहे. याव्यतिरिक्त चौधरी याने अशा प्रकारे किती लोकांना गंडा घातला आहे, याचा तपास सुरू आहे.
------
फोटो आहे