लोकमत न्यूज नेटवर्कनवी दिल्ली : जगातील ३० डेटाबेसमधून सुमारे १६ अब्ज लॉगइन क्रेडेन्शिअल्सची चोरी झाले आहे. यात फेसबुक, इन्स्टाग्राम, जीमेल, ॲपल आणि असंख्य अन्य सेवांचा समावेश आहे. ‘सायबर न्यूज’च्या संशोधकांनी ही चोरी शोधून काढली. जानेवारी २०२५ पासून ते यावर काम करीत होते. ही सर्वांत मोठी पासवर्ड्स चोरी असण्याची शक्यता आहे. यामुळे कोट्यवधी युझर्सचा डेटा लीक होण्याची भीती आहे. यामुळे डेटा चोरी, फिशिंग स्कॅम व खाते हॅक अशा संकटांचा सामना करावा लागू शकतो.
तुम्ही काय कराल?- तुम्ही तुमचा पासवर्ड तत्काळ बदला- तुमच्या खात्यांसाठी टू फॅक्टर ऑथिंटीकेशन चालू करा - सोपे पासवर्ड बदला.
चोरलेला डेटा अतिशय नवाचोरलेला डेटा अतिशय नवीन असून, याला इन्फोस्टिलर्स मालवेअरच्या माध्यमातून गोळा करण्यात आले आहे. हा मालवेअर लोकांचा डेटा त्यांना न कळता चोरतो. चोरीच्या या डेटामध्ये युझरनेम आणि पासवर्ड आहेत. मालवेअर युझर्सच्या फोनमधून हे डेटा चोरत आहेत. हॅकर्स याचा वापर थेट वापर करतात किंवा डार्क वेबवर विकून टाकतात. ५५ अब्ज लोकांकडे इंटरनेट उपलब्धता आहे. याचाच अर्थ एकाच व्यक्तीच्या अनेक खात्यांचा ओळख डेटा चोरला गेलेला आहे. त्यामुळे पासवर्ड बदलणे गरजेचे आहे.
कोणते पासवर्ड चोरले?डेटाबेसकडे इंटरनेट सेवांच्या खात्यांचे लॉगइन नावे व पासवर्ड्स असतात. यात फेसबुक व इन्स्टाग्राम अशी समाज माध्यमे, जी-मेलसारखी ईमेल सेवादाते, गिटहबसारखे विकासक मंच, टेलिग्राम, व्हीपीएसारखे संदेश ॲप आणि सरकारी पोर्टल्स यांचा समावेश आहे. यातील यूआरएल, युजर नेम आणि पासवर्ड. त्याची चोरी हॅकर्सनी केली आहे.
गुन्ह्यांसाठी चोरलेल्या डेटाचा वापर चोरलेल्या डेटाचा वापर ऑनलाईन गुन्हेगारीसाठी केला जाऊ शकतो. खाती ताब्यात घेणे, ओळख चोरणे आणि घातक स्वरूपाची फसवणूक मोहीम राबविणे यासाठी हा डेटा वापरला जाऊ शकतो.