तुमच्या रक्तातील ऑक्सिजन लेव्हल सांगणारा Smartwatch लाँच; महिलांच्या आरोग्याची घेणार विशेष काळजी, जाणून घ्या किंमत 

Pebble Pace Pro स्मार्टवॉच भारतात लाँच झाला आहे. यात SpO2 सेन्सर, हार्ट रेट मॉनिटर आणि 15 दिवसांचा बॅटरी बॅकअप देण्यात आला आहे.  

Pebble Pace Pro स्मार्टवॉच भारतात सादर करण्यात आला आहे. Pebble ही भारतीय कंपनी ऑडिओ प्रोडक्ट्स आणि अ‍ॅक्सेसरीजसाठी ओळखली जाते. याआधी कंपनीनं Pebble Pace स्मार्टवॉच सादर केला होता. तर आता Pebble Pace Pro हेल्थ आणि फिटनेस लेव्हल मॉनिटरिंगसाठी सेन्सर्ससह सादर करण्यात आला आहे. याची किंमत देखील कमी ठेवण्यात आली आहे.  

Pebble Pace Pro चे स्पेसिफिकेशन्स  

Pebble Pace Pro मध्ये 1.7 इंचाचा एचडी कर्व्ड डिस्प्ले देण्यात आला आहे. या स्मार्टवॉचमध्ये इजी अ‍ॅक्सेसीबल मेन्यू शॉर्टकट आणि कलस्टर-फ्री युजर इंटरफेस देण्यात आला आहे. तसेच SpO2, हार्ट रेट आणि ब्ल्ड प्रेशर लेव्हल मॉनिटरिंगसाठी सेन्सर्स देण्यात आले आहेत. त्याचबरोबर यात 8 प्रायमरी स्पोर्ट्स मोड, कॅलरी बर्न आणि स्टेप्स काउंट सेन्सर देखील मिळतात. हा स्मार्टवॉच हाइड्रेशन अलर्ट देतु, तुमच्या झोपेचे रेकॉर्ड ठेवतो आणि यात महिलांच्या आरोग्यसाठी खास अलर्ट देण्यात आले आहेत.  

तुमचंही या स्मार्ट वॉच वरून कॉल रिजेक्ट आणि म्यूट करू शकता. सिंगल चार्जवर हा स्मार्टवॉच 15 दिवसांपर्यंत वापरता येतो. हा स्मार्टवॉच प्रीमियम लुकसह जरी आला असला तरी किंमत किफायती ठेवण्यात आली आहे. यात Alloy बॉडी देण्यात आली आहे. तसेच या स्मार्टवॉचमध्ये 100 पेक्षा जास्त वॉच फेस देण्यात आले आहेत.  

Pebble Pace Pro ची किंमत  

Pebble Pace Pro स्मार्टवॉच भारतात ई-कॉमर्स प्लॅटफॉर्म Amazon वरून विकत घेता येईल. कंपनीनं या वॉचची किंमत 2,999 रुपये ठेवली आहे. तसेच Pebble Pace Pro स्मार्टवॉच तुम्ही Golden Black, Ivory, Jet Black आणि Metallic Blue अशा चार रंगात विकत घेऊ शकता. 

हे देखील वाचा:

• फक्त 13 हजारांच्या आत नवीन प्रीमियम Smart TV लाँच; 32 इंचाच्या डिस्प्लेसह डॉल्बी ऑडियो सपोर्ट
• Lokmat Tech Tips: अनेक वर्ष वापरून देखील नव्या सारखा राहील तुमचा स्मार्टफोन; फक्त या 5 गोष्टींची काळजी घ्या