विमानात घडणाऱ्या वेगवेगळ्या विचित्र किंवा गंभीर घटना आपण नेहमीच वाचत असतो. अशीच एक धक्कादायक घटना समोर आली आहे. एका महिलेने विमानात असा काही कारमाना केला की, हसावं की रडावं हेच कळणार नाही. एका महिलेने विमानात Emergency Exit उघडलं. रिपोर्टनुसार, विमान बसल्यावर गुदमरल्यासारखं जाणवतं होतं. म्हणून तिने हवा येण्यासाठी चक्क विमानातील Emergency Exit उघडलं. सुदैवाने जेव्हा महिलेने Emergency Exit गेट उघडलं तेव्हा विमान रन-वेवर होतं. या घटनेचा व्हिडीओ व्हायरल झाला आहे.
मीडिया रिपोर्टनुसार, ही घटना चीनची आहे. महिला सोमवारी Xiamen Airlines ने Lanzhou जात होती. सीटवर बसल्यावर महिलेला गुदरमरल्यासारखं जावणत होतं. म्हणून तिने ताजी हवा घेण्यासाठी बोर्डिंग संपल्यावर लगेच विमानाचा आपातकालीन दरवाजा उघडला.
जेव्हा महिलेने हा दरवाजा उघडला तेव्हा आजूबाजूला बसलेल्या प्रवाशांनी तिला असं न करण्याचा इशारा दिला होता. मात्र, त्या महिलेने कुणाचं काही ऐकलं नाही. थोडा गोंधळ झाल्यावर विमानातील कर्मचाऱ्यांना याची माहिती मिळाली. त्यांनी लगेच पोलिसांना याची माहिती दिली. 'द सन' च्या रिपोर्टनुसार, पोलीस विमानात आले आणि महिलेला घेऊन गेले. महिलेच्या या कारनाम्यामुळे विमानाने १ तास उशीराने उड्डाण घेतलं.