अनेक कंपन्या आणि संस्थांमध्ये पगारवाढीची प्रक्रिया सुरू झाली आहे. अशातच एका व्यक्तीने त्याचा पगारवाढीसंदर्भातील धक्कादायक सगळ्यांना सांगितला आहे. आयटी कंपनीत असलेल्या या कर्मचाऱ्याने अप्रेजलच्या मीटिंगमध्ये पगारवाढ दिली जावी, असा मुद्दा मांडला. त्यावर कंपनीतील वरिष्ठांनी तू राजीनामा दे म्हणून सांगितले.
सोशल मीडियावर शेअर करण्यात आलेल्या या पोस्टमध्ये टेक कर्मचाऱ्याने म्हटले आहे की, मी अनेक महिन्यांपासून पगारवाढीचा वाट बघत होतो. अखेर पगारवाढीसंदर्भात बैठक झाली, तेव्हा मला वाटलं की, माझ्या पगारात वाढ होईल, पण बैठकीत मला राजीनामा देण्यास सांगितले आणि दुसरीकडे जॉब शोधण्यास सांगण्यात आले आहे.
राजीनामा द्यायला का सांगण्यात आले?
कर्मचाऱ्याने म्हटले आहे की, मी एका सेमीकंडक्टर कंपनीसाठी काम करतो. ती कंपनी माझ्या कंपनीला तितके पैसे देत नाहीये, जितका पगार मला कंपनीकडून दिला जात आहे. पगार आणि कंपनीकडून येणारे पैसे यातील फरक सांगण्यात आला. आता त्यांची इच्छा आहे की, मी राजीनामा द्यावा.
पगारवाढ मागायला गेल्यानंतर मला राजीनामा द्यायला सांगितले जाणे हे माझ्यासाठी धक्कादायक होतं. मला राजीनामा द्यायचा नाहीये, पण चांगले पॅकेज कसे मिळवू शकतो, यासाठी मला सल्ला हवाय, असेही या पोस्टमध्ये म्हटले आहे.
लोकांचे वेगवेगळे सल्ले
या पोस्टवर लोकांनी आपली मते मांडतांना त्याला वेगवेगळे सल्ले दिले आहेत. काहींनी म्हटले आहे की, स्वतःहून राजीनामा दिला, तर नुकसान होऊ शकते. त्याऐवजी कंपनीशी सगळे लेखी स्वरुपात बोल. काहींनी म्हटले आहे की, आधी नोकरीचा करार आणि त्यातील नियम व्यवस्थित समजून घे. एकाने म्हटले आहे की, कंपनीने स्वतःहून काढले तर जास्त पैसे मिळण्याची शक्यता जास्त असते.
Web Summary : An IT employee, expecting a raise, was shockingly asked to resign during his appraisal meeting due to budget constraints. He seeks advice on securing a better package.
Web Summary : एक आईटी कर्मचारी, वेतन वृद्धि की उम्मीद में, मूल्यांकन बैठक के दौरान बजट की कमी के कारण इस्तीफा देने के लिए कहे जाने पर स्तब्ध रह गया। वह बेहतर पैकेज हासिल करने पर सलाह मांगता है।