हायवेवर गाडी चालवत असताना जर कुणाला टॉयलेटला किंवा बाथरुमला जायचं झालं तर लोक गाडी साइडला घेऊन हलके होतात. हा नजारा देशातील वेगवेगळ्या कोपऱ्यात तुम्हाला बघायला मिळाला असेल. कारण पुरुषांना जेव्हा सू-सू लागते तेव्हा ते कोणत्याही ठिकाणाला ते वॉशरुममध्ये रुपांतरित करतात. पण अमेरिकेतील एका व्यक्तीने भारतीयांनाही फेल केलं आहे. या व्यक्तीने त्याचं छोटं विमानाचं लॅंडिंग केलं, नंतर झुडपात गेला आणि सू-सू करु लागला. हायवेवरुन जाणाऱ्यां लोकांनी त्याचे व्हिडीओ काढले. जे सध्या सोशल मीडियात व्हायरल होत आहेत.
मीडिया रिपोर्टनुसार, ही घटना अमेरिकेच्या दक्षिणेतील अलबामा राज्यातील आहे. व्हायरल व्हिडीओमध्ये तुम्ही पाहू शकता की, एक व्यक्ती हायवे विमान उभं करुन लघवीला गेलाय. आणि हायवेवरुन जात असलेल्या लोकांनी त्याच्या या कारनाम्याला कॅमेरात कैद केलं.
असेही सांगितले जात आहे की, हायवेवर लघवी करणारा व्यक्ती एक विद्यार्थी आहे. तो त्याचा इन्स्ट्रक्टर जिम विलियम्ससोबत Cessna कंपनीचं छोटं विमान उडवत होता. अचानक विमानाचं इंजिन बिघडलं आणि त्यांनी काळजीपूर्वक हे विमान हायवेवर उतरवलं. त्यानंतर त्या विद्यार्थ्याला लघवी आली. त्यामुळे तो विमानातून उतरुन बाजूला असलेल्या झुडपात गेला.