सोशल मीडियात नेहमीच वेगवेगळ्या हॉटेल्समधील विचित्र कारनाम्यांचे व्हिडीओ व्हायरल होत असतात. या व्हिडीओंच्या माध्यमातून हॉटेलमधील भोंगळ कारभार बाहेर येत असतात. असाच एक व्हिडीओ सध्या व्हायरल झाला आहे. या एका मोठ्यामधील किचनमध्ये कर्मचारी चक्क आंघोळ करताना दिसत आहेत.
livemint.com ने दिलेल्या माहितीनुसार, हा व्हिडीओ वेंडी या प्रसिद्ध हॉटेलमधील आहे. हा व्हिडिओ पहिल्यांदा फेसबुकवर कॉर्नर सॉमरफिल्ड नावाचया युजरने शेअर केला. त्याने लिहिले की, "मी सर्वांना सांगणार आहे की ग्रीनव्हिले वेंडी या हॉटेलमध्ये जाऊ नका”. हा व्हिडिओ सगळ्यात आधी टिकटॉकवर व्हायरल झाला होता. नंतर फेसबुकवर शेअर करण्यात आला.
या व्हिडिओमध्ये एक कर्मचारी किचनच्या मोठ्या सिंकमध्ये आंघोळ करताना दिसत आहे. सिंकमध्ये बसलेला हा कर्मचारी हसतानाही दिसत आहे. व्हिडिओ व्हायरल झाल्यावर लोकांनी रेस्टॉरंटच्या स्वच्छतेवर प्रश्नचिन्ह उपस्थित केले. अनेकांनी जोरदार टीका केली आहे.
फेसबुकवर आतापर्यंत २ लाख लोकांनी हा व्हिडिओ पाहिलाय. तर, 2 हजारहून अधिक लोकांनी शेअर केला आहे. गेल्या वर्षी मे महिन्यात अमेरिकेच्या फ्लोरिडामधील वेंडी हॉटेलमध्ये अशीच एक घटना घडली होती, त्यामुळं आता या कर्मचाऱ्यावर कारवाई होणार का, हे पाहावे लागणार आहे.