ट्विटरवर सध्या पुणेपोलिसांची चांगलीच चर्चा रंगली आहे. त्याला कारण आहे पुणेपोलिसांचं एक मजेदार ट्विट. यात ट्विटमधील गंमतीने लोकांची मने जिंकली आहेत. पुणे पोलिसांनी एका फोटोवर असा काही रिप्लाय दिला की, लोक पोटधरून हसू लागले. हा फोटो एका स्कूटरचा असून त्यावर दोनजण बसले आहेत. पण यात मुख्य किस्सा या दोघांचा नाही तर नंबर प्लेटचा आहे. या नंबर प्लेटवर राजमुकूट काढला आहे.
पंकज नावाच्या एका ट्विटर यूजरने हा फोटो पोस्ट केला होता. यात होंडाची गाडी दिसत आहे. या गाडीच्या नंबर प्लेटवर राजमुकूट आहे. यावरच पुणे पोलिसांनी मजेदार रिप्लाय दिलाय. पुणे पोलिसांनी रिप्लाय केला की, 'दुर्देवाने या राजांना आता लवकरच चालान भरावं लागेल'.
मोटार व्हेईकल अॅक्ट १९८८ आमि सेंटर मोटार व्हेईकल अॅक्ट १९८९ नुसार, कोणत्याही गाडीच्या नंबर प्लेटवर रजिस्ट्रेशन नंबरशिवाय आणखी काही असू नये. अशाप्रकारे रजिस्ट्रेशन नंबरशिवाय काही लिहिणे किंवा फॅन्सी लिखावट असेल तर हे कायदेशीर चुकीचं आहे.
पुणे पोलिसांनी फोटोवर दिलेला रिप्लाय आता वेगाने व्हायरल होत आहे. लोकांना पुणे पोलिसांचा हा गमतीदार अंदाज चांगलाच भावला आहे. लोक ज्याने हा रिप्लाय दिला असेल त्यांचं कौतुकही केलं आहे.