अरे..! कलेक्टर इलो...?

मालवणी तडका

सकलो : कायऽऽ? कलेक्टर इलो? मेल्या, येदो मोठो माणूस तेका तू सरळ सरळ कलेक्टर इलो असो येकेरी कसो काय म्हनतस?तुकलो : आपल्या गावठी भाषेत कायव चलता. मान अपमान नसता रे. अरे तुरे आपुलीचा आसता. सकलो : ताव खराच म्हना. अरे तुरे बोलला की तो जवळचो आनी अहो-जावो म्हटला की तो लांबचो. तुकलो : व्हय मा? म्हनान तर माय म्हना व्हती, आमचो कलेक्टर इलो. सकलो : माय म्हनाली कलेक्टर इलो?तुकलो : व्हय. माय म्हनाली कलेक्टर इलो. सकलो : मायक भेटाक कलेक्टर?तुकलो : मायकडसून हप्तो घेवक कलेक्टर येता. सकलो : तू काय सांगतस ता तुझा तुका तरी कळता मा? तुकलो : अरे व्हय रे बाबा. परतेक म्हैन्याच्या शेवटच्या सोमवारी कलेक्टर येता आनी हप्तो घेवन जाता. सकलो : स्वत: कलेक्टर मायकडे येता आनी हप्तो घेवन जाता? ह्यज्ञ काय माका पटना नाय. तू कायव फेकतस असा तुका वाटना नाय?तुकलो : मी कायव फेकूक मी काय सकाळी सकाळी घेवक नाय हय. सकलो : अरे पन कलेक्टर कित्या म्हनान येयत. तो शिपायाक बिपायाक पाठवन देयत मरे. तुकलो : तो ‘शिपाई’च आसता मरे. सकलो : म्हंजे?तुकलो : जो दोन नंबरवाल्यांचे हप्ते गोळा करता, तेका ‘कलेक्टर’ ह्यो कोडवर्ड वापरलो जाता. सकलो : अरे काय सांगतस काय? तुकलो : परतेक खात्यात तशी शिस्टीम आसता. पोलीस खात्यात तशे कलेक्टर किमान तालुक्यात योक आसता. सकलो : म्हंजे जो हप्ते गोळा करनारो आसता, तेका कलेक्टर म्हनतत.तुकलो : ‘कलेक्ट’ म्हंजे गोळा मरे आनी जो हप्ते गोळा करूक येता, तो कलेक्टर. म्हनान त्या खात्यात त्या धंद्यातली मानसा वळाखतत. सकलो : तरीच बाबलगो पोलीस कायम त्या मायकडे दिसता. माका वाटला, तो घेवक जाता की काय?तुकलो : तो घेवकच जाता. आनी तो दोनव घेता. सकलो : हप्तो घेता आनी सोरोय घेता व्हय मा. तुकलो : व्हय तर! सकलो : तरीच ते बिनधास्त धंदे करतत. तुकलो : तुका सांगतय, दोन नंबर खय चलता, किती चलता, तेच्यार तेंचो हप्तो ठरता. सकलो : म्हंजे उलाढालीवर म्हनतस?तुकलो : व्हय तर! नवो सायब इलो की धाड टाकल्याचा नाटक केला जाता आनी परत आपलो रेट वाढवलो जाता. सकलो : रेट म्हंजे?तुकलो : कलेक्टरची फी रे. सकलो : कलेक्टराक येगळा मानधन गावता काय रे? तुकलो : व्हय तर! ठरलेलो हप्तो कलेक्टराक दिलो जाताच. पन कलेक्टराक पेट्रोलसाठी टीप दिली जाता. सकलो : म्हंजे तेंच्यात सायबाचो कलेक्टर कोन हेच्यात चढाओढ लागत आसतली. व्हय मा?तुकलो : व्हय तर! कलेक्टर येता असा दिसला की, दोन नंबरवाले पन तेंची वाटच बघीत आसतत. तो येवन गेलो की हे सुशागात धंदो करूक मोकळे. सकलो : पन ह्या तुका पटता काय रे? तुकलो : माका पटाचो काय संबंध? पन ह्या सगळा घडता ह्या तुका म्हायती हा, माका म्हायती हा, पोलिसांका म्हायती हा, दोन नंबरवाल्यांका म्हायती हा. सकलो : अगदी खरा. येक येळ दोन नंबर धंदो खय चालू हा ह्या माका म्हायती नसात, पन ता पोलिसांका बरोबर म्हायती आसता. तुकलो : अगदी बरोबर. कारन दोन नंबर जितको दोन नंबरवाल्यांसाठी फायद्याचो हा, तितकोच अशा कलेक्टरांका फायद्याचो हा. सकलो : वर कमाईसाठीच मा?तुकलो : व्हय तर. अरे बंद झाललो धंदो चालू करा म्हनान हे अशे कलेक्टरच येतत आनी सांगतत चालू करा. तेचेसाठी काय मदत व्हयी तर आमी देतव. अशा कलेक्टरांची खूप चांदी आसता. व्हय मा?- विजय पालकर