पालकमंत्री नितेश राणेंनी टाकली घेवारी मटका बुकीवर धाड, अवैध व्यवसायिकांचे धाबे दणाणले 

अवैध व्यवसाय रोखण्यासाठी पालकमंत्री इन ॲक्शन

कणकवली : शहरात गेले कित्येक वर्ष मटका बस्तान मांडून जिल्ह्याच्या कानाकोपऱ्यातून मटका गोळा करणारे नामांकित मटका बुकी महादेव रमाकांत घेवारी यांच्या कणकवली येथील अड्ड्यावर पालकमंत्री नितेश राणे यांनी आज, गुरुवारी दुपारच्या सुमारास धाड टाकली.

त्यानंतर पालकमंत्री नितेश राणे यांनी कणकवली पोलीस निरीक्षक अतुल जाधव यांना धाड टाकल्याचे कळवले. पोलिसाची कुमक दाखल झाली आहे. ११ संशयित आरोपींना पोलिसांनी ताब्यात घेतले आहेत. त्यांच्याकडून रोख रक्कम, लॅपटॉप, मटक्याच्या पावत्या जप्त करण्यात येत आहेत. या कारवाईमुळे अवैध व्यवसायिकांचे धाबे दणाणले.