ढालगाव : लॉकडाऊनच्या नियमांचे नागरिकांनी काटेकोरपणे पालन करावे. पोलीस व प्रशासनास सहकार्य करावे, असे आवाहन कवठेमहांकाळ पोलीस ठाण्याचे नूतन निरीक्षक जितेंद्र शहाणे यांनी केले.
ढालगाव (ता. कवठेमहांकाळ) येथे ग्रामस्थांना मार्गदर्शनप्रसंगी ते बाेलत हाेते. यावेळी शहाणे व सहायक पोलीस निरीक्षक शिवाजी करे यांचा सत्कार सरपंच प्रतिनिधी जनार्दन देसाई, उपसरपंच माधवराव देसाई, जिल्हा परिषद सदस्य भगवान वाघमारे, भाऊसाहेब पाटील, कुमार पाटील, विजय घागरे यांच्या हस्ते करण्यात आला.
शहाणे म्हणाले की, शासकीय नियमांचे काटेकोर पालन करा, मास्कचा वापर करा, अत्यावश्यक सेवा वगळून इतर सेवा बंद करा; शनिवार व रविवारी अत्यावश्यक सेवा वगळून इतर सेवा पूर्णपणे बंद राहतील, ग्रामस्थांनी कामाशिवाय बाहेर पडू नये, विनाकारण रस्त्यावर फिरू नये: पंचेचाळीस वय पूर्ण असलेल्या नागरिक व व्यापारी कर्मचाऱ्यांनी कोरोना प्रतिबंधक लस घ्यावी.
यावेळी पोलीस पाटील माणिक पाटील, कुमार पाटील, व्यापारी संघटना अध्यक्ष सुभाष खांडेकर, पोपट धोकटे, श्रीशैल्य शेटे, विजय घागरे, दिलावर मणेर, सलीम फकीर, हरी घोदे, आण्णा हातेकर, माणिक देसाई, ग्रामसेवक डी. एस. जोशी, तलाठी कपिल सयाम व ग्रामस्थ उपस्थित होते.