देवेंद्र फडणवीस आणि प्रवीण दरेकरांनी दरडग्रस्तांसोबत केलं जेवण, वाढीव मदतीची केली मागणी

By ऑनलाइन लोकमत | Published: July 28, 2021 05:38 PM2021-07-28T17:38:23+5:302021-07-28T17:39:18+5:30

Ambeghar landslide Visit:साताऱ्यातील आंबेघरमध्ये दरड कोसळून 15 जणांचा मृत्यू झाला.

Devendra Fadnavis and Pravin Darekar visits Ambeghar landslide area in Satara | देवेंद्र फडणवीस आणि प्रवीण दरेकरांनी दरडग्रस्तांसोबत केलं जेवण, वाढीव मदतीची केली मागणी

देवेंद्र फडणवीस आणि प्रवीण दरेकरांनी दरडग्रस्तांसोबत केलं जेवण, वाढीव मदतीची केली मागणी

Next
ठळक मुद्देदरड दुर्घटनेनंतर तिथल्या लोकांची गावातील शाळेत सोय करण्यात आली आहे.

सातारा: भाजप नेते देवेंद्र फडणवीस (Devendra Fadnavis) आणि प्रवीण दरेकर (Pravin Darekar) हे पश्चिम महाराष्ट्रातील पूरग्रस्त भागांची पाहणी करत आहेत. आज त्यांनी पाटण तालुक्यात आंबेघर आणि मोरगिरीमधील गावऱ्यांची भेट घेतली. 23 जुलै रोजी आंबेघरमध्ये दरड कोसळून 15 नागरिकांचा मृत्यू झाला होता. त्यामुळे गावातील नागरिकांची शाळेत निवाऱ्याची सोय करण्यात आली आहे. विशेष म्हणजे, यावेळी देवेंद्र फडणवीस आणि प्रवीण दरेकर यांनी गावकऱ्यांची फक्त भेटच घेतली नाही, तर त्यांच्यासोबत जेवणही केलं.

मागील काही दिवसांत झालेल्या मुसळधार पावसामुळे महाराष्ट्रातील कोकण आणि पश्चिम महाराष्ट्राचं मोठं नुकसान झालंय. चिपळूणसारख्या ठिकाणी आलेल्या पुरामुळे नागरिकांचं मोठं आर्थिक नुकसान झाल, तर अनेक ठिकाणी दरडी कोसळून अनेकांना आपला जीव गमवावा लागला. दरम्यान, साताऱ्यातील आंबेघरमध्येही दरड कोसळून 15 जणांचा मृत्यू झालाय. 

आज या परिसराच्या पाहणीसाठी देवेंद्र फडणवीस आणि प्रवीण दरेकर आले होते. यावेळी त्यांनी मोरगिरी गावातील शाळेत असणाऱ्या दरडग्रस्त लोकांची भेट घेऊन त्यांच्या व्यथा जाणून घेतल्या. आंबेघरमध्ये झालेल्या दरड दुर्घटनेनंतर तिथल्या लोकांची या शाळेत सोय करण्यात आली आहे. दरम्यान, भाजपच्या या दोन्ही नेत्यांनी यावेळी या दरडग्रस्तांसोबत शाळेतच जेवणदेखील केलं. 

वाढीव मदत मिळणं गरजेचं
दरडग्रस्तांच्या भेटीनंतर देवेंद्र फडणवीस यांनी माध्यमांशी संवाद साधला. 'नुकसान खूप मोठं आहे. या सर्व दरडग्रस्तांच पुनर्वसन होणं गरजेचं आहे. शेती आणि घरांचं मोठं नुकसान झालंय. अशा घटनांच्या वेळी मिळणारी मदत तोकडीच असते. पण त्यांना वाढीव मदत मिळणं अपेक्षित आहे. तात्पुरती नाही तर शक्य ती मदत परमनंट करावी लागेल',असे मत त्यांनी यावेळी व्यक्तं केलं.
 

Read in English

Web Title: Devendra Fadnavis and Pravin Darekar visits Ambeghar landslide area in Satara

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app