लोकमत न्यूज नेटवर्क
सांगली : आराम करण्याने आरोग्याचे अनेक फायदे मिळत असतात. तरीही बदलत्या जीवनशैलीमुळे आराम करण्यापेक्षा धावपळीत प्रत्येकजण गुंतला आहे. १६ ते १८ तास काम करण्यामुळे झोपेसाठी पुरेसा वेळ मिळत नाही. शरीराची झोपेची भूक अपूर्ण राहण्यामुळे रोगप्रतिकारशक्ती कमी होऊन आजारांना निमंत्रण मिळते. त्यामुळे झोपेबाबत सर्वांनी सतर्क राहण्याची आवश्यक आहे.
चौकट
किमान आठ तासांच्या झोपेची आवश्यकता प्रत्येकच व्यक्तीला असते. कारण पुरेशी झोप झाल्यानंतरच मेंदूला आराम मिळतो आणि मेंदू कार्यक्षम राहू शकतो. त्यामुळे झोपेच्या वेळा सांभाळूनच कामाचे गणित आखायला हवे. त्यामुळे शारीरिक आणि मानसिक आजारांपासून दूर राहता येऊ शकते.
चौकट
अपुऱ्या झोपेचे तोटे
झोप पुरेशी होत नसेल, तर आपली स्मरणशक्ती कमी होते.
चयापचय क्रिया बिघडण्यासह वजनही वाढते
मेंदूवरदेखील याचा परिणाम होतो. परिणामी चिडचिडेपणा वाढतो. एकाग्रता राहात नाही.
रोगप्रतिकारकशक्तीवरसुद्धा याचा विपरित परिणाम होत असतो.
कोट
वेळेत झोप व वेळेत जेवण हा आरोग्याचा महत्त्वाचा मंत्र आहे. झोप पुरेशी न झाल्यास त्याचे परिणाम भोगावे लागणारच. याशिवाय रात्री उशिरा झोपून दुसऱ्यादिवशी दुपारपर्यंत झोपणेही तितकेच आरोग्यासाठी धोकादायक आहे. त्यामुळे पुरेशी व योग्यवेळी विश्रांती घ्यावी.
- डॉ. संजय साळुंखे, जिल्हा शल्यचिकित्सक
चौकट
रोगप्रतिकारशक्ती आरोग्याची ढाल
कोणत्याही रोगास प्रतिकार करण्याचा अंगभूत गुण म्हणजे रोगप्रतिकारशक्ती. ही शक्ती कमी असल्यास व्यक्ती लवकर आजारी पडते आणि ही शक्ती योग्य प्रमाणात असल्यास व्यक्ती लवकर आजारी पडत नाही. रोगप्रतिकारकशक्ती आहारात आणि जीवनशैलीत काही बदल करून वाढवता येते. त्यासाठी पुरेशी विश्रांती, योग्य व वेळेत आहार, व्यायाम या गोष्टी महत्त्वाच्या आहेत.
चाैकट
वयोगटानुसार झोपेचे तास
० ते ३ महिने
१४ -१७
४-११ महिने
१२-१५
१ वर्ष ते २ वर्षे
११-१४
३ ते ५ वर्षे
१०-१३
६ ते १३
९-११
१४ ते १७ वर्षे
९-११
१८ ते ६४ वर्षे
८-९
६५ ते पुढील
७-८