जुन्या वादातून बारामतीत एकावर तलवारीने वार

जुन्या भांडणाचा राग मनात धरून झालेल्या वादात एकावर तलवारीने वार केल्याची घटना गुरुवारी (दि. १६) रात्री घडली. या प्रकरणी

बारामती : जुन्या भांडणाचा राग मनात धरून झालेल्या वादात एकावर तलवारीने वार केल्याची घटना गुरुवारी (दि. १६) रात्री घडली. या प्रकरणी शहर पोलिसांत तक्रार दाखल करण्यात आली आहे. त्यानुसार दोन महिलांसह ९ जणांवर गुन्हा दाखल करण्यात आला आहे.पोलीस सूत्रांनी दिलेल्या माहितीनुसार, या प्रकरणी सोनाली सागर भोसले या विवाहितेने फिर्याद दिली आहे. त्यानुसार, आरोपी सनी बबन बगाडे, कल्पना अवचित मोरे, रोहित अवचित मोरे, आशुतोष मिलिंद सोनवणे, अभिजित बबलू सोनवणे, अक्षय दगडे, गोटू बापू सोनवणे, सुरेखा बबलू बगाडे (सर्व रा. प्रबुद्धनगर, आमराई, बारामती) यांच्यावर गुन्हा दाखल करण्यात आला आहे.जुन्या भांडणाच्या कारणावरून आरोपींनी बेकायदा जमाव जमविला. तसेच, फिर्यादीचा पती सागर भोसले याच्यावर आरोपी सनी बगाडे, सुरेखा बगाडे यांनी हातावर, कानावर वार क रून गंभीर जखमी केले. तसेच, इतर आरोपींनीदेखील मारहाण केली, असे तपास अधिकारी सहायक पोलीस निरीक्षक नीलेश अपसुंदे यांनी सांगितले.दरम्यान, या प्रकरणी अद्याप आरोपी रोहित मोरे, आशुतोष सोनवणे, अभिजित सोनवणे, अक्षय दगडे, अविनाश सोनवणे या पाच जणांना अटक करण्यात आली आहे. अटक करण्यात आलेल्या आरोपींना २१ फे ब्रुवारीपर्यंत पोलीस कोठडी सुनावण्यात आली.(प्रतिनिधी)