पुणे : कारमधून गावठी दारूची वाहतूक करणाऱ्या दोघांना वानवडीपोलिसांनीअटक केली. त्यांच्याकडून गावठी दारू असलेले प्लास्टिक कॅन जप्त करण्यात आले. लियाकत रोहित अब्बासी (वय ३२, रा. ढोबरवाडी, सोपानबाग, घोरपडी) आणि समीर संजय राठोड (वय २३, रा. शिंदवणे काळेशिवार, ता. हवेली) अशी अटक केलेल्यांची नावे आहेत.
वानवडीपोलिस ठाण्याचे पथक होळीच्या पार्श्वभूमीवर गस्त घालत होते. त्यावेळी अब्बासी आणि राठोड हे कारमधून गावठी दारू वाहतूक करीत असल्याची माहिती तपास पथकातील पोलिस हवालदार दया शेगर आणि अभिजित चव्हाण यांना मिळाली. पोलिसांनी सापळा लावून कार अडवली. कारमधून १२ प्लास्टिक कॅन जप्त करण्यात आले. कॅनमध्ये ४२० लिटर गावठी दारू होती. होळी, धुळवडीला दारूला मागणी वाढत असल्याने आरोपी अब्बासीने एकाच्या सांगण्यावरून समीर राठोड याच्याकडून दारू खरेदी केल्याची माहिती चौकशीत दिली.
वानवडी पोलिस ठाण्याचे वरिष्ठ पोलिस निरीक्षक भाऊसाहेब पाटील, पोलिस निरीक्षक संगीता जाधव, सहायक निरीक्षक उमाकांत महाडिक, उपनिरीक्षक अल्फाज शेख, महेश गाडवे, अमोल पिलाणे, अतुल गायकवाड, आशिष कांबळे, अमोल गायकवाड, गोपाळ मदने, विष्णू सुतार, अभिजीत चव्हाण, बालाजी वाघमारे, विठ्ठल चोरमले आणि अर्शद सय्यद यांनी ही कामगिरी केली.
Web Summary : Wanwadi police arrested two individuals transporting 420 liters of illicit liquor in a car. The suspects, Abbas and Rathod, were caught during a patrol. They intended to sell the liquor due to increased demand during Holi.
Web Summary : वानवडी पुलिस ने एक कार में 420 लीटर अवैध शराब का परिवहन करते हुए दो लोगों को गिरफ्तार किया। संदिग्ध, अब्बास और राठौड़, गश्त के दौरान पकड़े गए। होली के दौरान मांग बढ़ने के कारण वे शराब बेचना चाहते थे।