Ajit Pawar Passed Away: मुंबईवरून सकाळी टेक ऑफ; बारामतीत लँडिंग होताना अपघात, अजितदादांसोबतच्या ५ जणांची नावे समोर

अजित पवारांचे विमान मुंबईवरून सकाळी ८ वाजून १० मिनिटांनी टेक ऑफ झाले होते. तर बारामतीत ते ८ वाजून ५० मिनिटांनी लँडिंग होत असताना हा भीषण अपघात घडला

पुणे : महाराष्ट्रातील प्रत्येक नागरिकाच्या मनाला चटका लावून जाणारी घटना आज सकाळी घडली आहे. महाराष्ट्राच्या धुरंधर व्यक्तिमत्व, सर्वांचे लाडके नेते उपमुख्यमंत्री  अजित दादा पवार यांचे बारामतीत विमानअपघातात निधन झाले.  या अपघातातअजित पवार यांच्यासह एकूण सहा जणांचा मृत्यू झाला आहे. महाराष्ट्राचे लाडके नेते गमावल्याने सर्वत्र हळहळ व्यक्त केली जात आहे. अजित दादांसोबत असणाऱ्या या ५ जणांची नावे आता समोर आली आहेत. 

अजित पवारांचेविमान मुंबईवरून सकाळी ८ वाजून १० मिनिटांनी टेक ऑफ झाले होते. तर बारामतीत ते ८ वाजून ५० मिनिटांनी लँडिंग होत असताना हा भीषण अपघात घडला. जिल्हा परिषद आणि पंचायत समिती निवडणुकीसाठी अजित पवार यांच्या आज बारामतीमध्ये सभा होणार होत्या. त्या सभांसाठी अजित पवार हे आज सकाळी मुंबईहून बारामती येथे निघाले होते. दरम्यान, त्यांचं विमान बारामती विमानतळावर उतरत असताना विमानाला अपघात होऊन ते जवळच्या शेतात कोसळलं. त्यामध्ये अजितदादांसोबत ६ जणांचा दुर्दैवी मृत्यू झाला. हे व्हीएसआर या खासगी कंपनीचे विमान असल्याची माहिती समोर आली आहे. त्यामध्ये अजित दादा पवार साहेब, मुंबई पीएसओ HC विदीप जाधव, पायलट कॅप्टन सुमित कपूर, कॅप्टन संभवी पाठक, पिंकी माळी, फ्लाईट अटेंडंट यांचा दुर्दैवी मृत्यू झाला.