राष्ट्रवादी काँग्रेस मंचर शहराध्यक्ष पदाची निवड प्रक्रिया मंचर येथील पूजन प्रेस्टिज कार्यालयात पार पडली. या वेळी शरद सहकारी बॅंकेचे अध्यक्ष देवेंद्र शहा, भीमाशंकर सहकारी साखर कारखान्याचे अध्यक्ष बाळासाहेब बेडे, माजी सरपंच बाळासाहेब बाणखेले, दत्ता थोरात, राजाभाऊ थोरात, मावळते अध्यक्ष राहुल पडवळ, बाळासाहेब थोरात, संतोष गावडे, संजय बाणखेले, लक्ष्मण थोरात, गणपत क्षीरसागर आदी उपस्थित होते.
मंचर शहरात राष्ट्रवादी काँग्रेसची ताकद अजून वाढावी या दृष्टीने नवीन चेहरा व सामाजिक कार्यात अग्रेसर असणारे सुहास बाणखेले यांची अध्यक्षपदी निवड करण्यात आली. बाणखेले यांचे मंचर शहर व तालुक्यात चांगले काम आहे. त्या दृष्टीने कामगार व उत्पादन शुल्कमंत्री दिलीप वळसे पाटील यांच्या सूचनेवरून सुहास बाणखेले यांची निवड झाली आहे.
यावेळी नवनिर्वाचित अध्यक्ष सुहास बाणखेले यांचा सत्कार शरद सहकारी बँकेचे अध्यक्ष देवेंद्र शहा यांच्या हस्ते करण्यात आला. मंचर शहरात पक्षवाढीसाठी प्रयत्न करणार असल्याचे सुहास बाणखेले यांनी सांगितले. फोटोखाली : सुहास बाणखेले यांचा सत्कार शरद सहकारी बँकेचे अध्यक्ष देवेंद्र शहा यांच्या हस्ते करण्यात आला.