Pune Water Supply News: निम्म्या पुण्याचा पाणीपुरवठा गुरुवारी बंद; पहा तुमच्या भागात पाणी येणार आहे का?

गुरुवारी (१२ जून) शहराच्या पूर्व व पश्चिम भागाचा पाणीपुरवठा बंद राहणार असून शुक्रवारी (१३ जून) सकाळी कमी दाबाने पाणीपुरवठा होणार

पुणे: वारजे जलशुद्धीकरण केंद्राच्या अखत्यारीत येणाऱ्या विविध पाणी साठवण टाक्यांना नवीन जलवाहिन्या जोडणे आणि व्हाॅल्व्ह बसविण्याच्या कामासाठी तसेच भामा-आसखेड प्रकल्पांतर्गत पाणी वितरणामधील त्रुटी दूर करण्यासाठी येत्या गुरुवारी (१२ जून) शहराच्या पूर्व व पश्चिम भागाचा पाणीपुरवठा बंद राहणार आहे. त्यानंतर शुक्रवारी (१३ जून) सकाळी कमी दाबाने पाणीपुरवठा होणार आहे.

वारजे जलशुद्धीकरण केंद्रांतर्गत बालेवाडी जकात नाका टाकी, सन हॉरीझोन टाकी, बाणेर वेस्ट टाकी, पाषाण लेक टाकी, लोकसेवा (सुस), बाणेर पाषाण लिंक रोड टाकी, पॅनकार्ड क्लब रोड टाकी येथे मुख्य पाण्याच्या लाईनला नव्याने टाकण्यात आलेल्या लाईन जोडण्यात येणार आहेत. तसेच व्हाॅल्व्ह बसविण्यात येणार आहेत. याशिवाय भामा-आसखेड अंतर्गत येणाऱ्या भागामध्ये पाणी वितरणामधील त्रुटी दूर करण्यासाठी चाचणी घेण्यासाठी गुरुवारी खालील भागाचा पाणीपुरवठा बंद राहणार आहे.

पाणीपुरवठा बंद असणारा भाग 

वारजे जलशुद्धीकरण केंद्र अखत्यारीतील चांदणी चौक (चौकोनी) टाकी परिसर 

पाषाण साठवण टाकी, भूगाव रोड परिसर, कोकाटे वस्ती, सेंटीन हिल सोसायटी, मधुबन सोसायटी संपूर्ण बावधन परिसर, उजवी भुसारी कॉलनी व डावी भुसारी कॉलनी, चढावरील भाग, चिंतामणी सोसायटी, गुरूगणेश नगर, सुरजनगर, सागर कॉलनी, भारती नगर, बावधन परिसर, सारथी शिल्प सोसायटी, पूजा पार्क, शांतीबन सोसायटी परिसर, डुक्करखिंड परिसर, शास्त्रीनगर, व्यू लक्ष्मीनगर, परमहंस नगर, बाणेर, बालेवाडी, पूर्ण पाषाण, सोमेश्वरवाडी, सुतारवाडी, निम्हणमळा, लम्हाण तांडा, मोहननगर, सुस रोड, धनकुडे वस्ती, पंचवटी, म्हाळुंगे, सुस इ.

पॅनकार्ड क्लब जीएसआर टाकी परिसर 

बाणेर, बालेवाडी, बाणेर गावठाण, चाकणकर मळा, पॅनकार्ड क्लब रोड, पल्लोड फार्म, शिंदे पारखे वस्ती, विधाते वस्ती, मेडीपॉईंट रोड, विजयनगर, आंबेडकर नगर, दत्तनगर इ.

भामा-आसखेड प्रकल्प 

धानोरी, वडगाव शेरी, खराडी, विमाननगर, विश्रांतवाडी, टिंगरेनगर, येरवडा, संजय पार्क, लोहगाव, बोराटे वस्ती, शेजवळ पार्क खराडी इ.