पुणे : पुणे शहरात मार्च महिन्यातच अवकाळी पावसाने हजेरी लावली असून वाढत्या उकाड्यातून नागरिकांना काहीसा दिलासा मिळाला आहे. मागील दोन-तीन दिवसांपासून पुण्यात तापमानात मोठी वाढ झाली होती आणि उन्हाचा कडाका जाणवू लागला होता. मात्र अचानक ढगाळ वातावरण तयार होऊन पावसाला सुरुवात झाली आहे. हवामान विभागाकडून आज आणि उद्या राज्यातील काही भागात मुसळधार पावसाचा इशारा देण्यात आला आहे. त्यानुसार आज काही भागात पावसाला सुरुवात झाली आहे.
हवामान तज्ज्ञांच्या मते हा पाऊस अवकाळी असून मान्सूनचा अजून बराच काळ बाकी आहे. तापमानात अचानक वाढ झाल्यामुळे वातावरणात आर्द्रता वाढते,. आणि अचानक पाऊस किंवा मेघगर्जनेसह सरी कोसळू लागतात. गेल्या काही दिवसांत पुणे शहरातील अनेक भागांत हलका ते मध्यम स्वरूपाचा पाऊस झाला. काही ठिकाणी ढगाळ वातावरण आणि गार वारेही वाहत होते. या पावसामुळे नागरिकांना उकाड्यातून दिलासा मिळाला असला तरी काही ठिकाणी वाहतुकीचा वेग मंदावल्याचे दिसून आले. अचानक सुरु झालेल्या पावसणारे नागरिकांची चांगलीच तारंबळ उडाली आहे.
हवामान बदलामुळे अशा प्रकारचे अवकाळी पाऊस, अचानक उष्णता वाढणे, वादळी पाऊस अशा घटना मागील काही वर्षांत वाढल्या आहेत. सध्या वातावरण थंड झाले असले तरी पुढील काही दिवसांत पुन्हा उन्हाचा कडाका वाढण्याची शक्यता हवामान विभागाने व्यक्त केली आहे. तसेच आज आणि उद्या राज्यात पावसाची शक्यता व्यक्त करण्यात आली आहे.
Web Summary : Pune experienced unexpected rain and hail, offering respite from the heat. The sudden downpour caused traffic slowdowns. The weather department forecasts more rain, followed by a return to hotter conditions. Citizens were caught off guard by the unexpected rain.
Web Summary : पुणे में अचानक बारिश और ओलावृष्टि से गर्मी से राहत मिली। अचानक हुई बारिश से यातायात धीमा हो गया। मौसम विभाग ने और बारिश की भविष्यवाणी की है, जिसके बाद गर्मी फिर से बढ़ेगी। अचानक बारिश से नागरिक हैरान रह गए।