पुणे - शिवजयंतीच्या दिवशी मावळ तालुक्यातील शिवभक्तांवर दुर्दैवी काळाने घाला घातला. शिवज्योत घेऊन गावाकडे परतणाऱ्या दोन शिवभक्तांचा भीषण अपघातात मृत्यू झाल्याची हृदयद्रावक घटना समोर आली आहे. या घटनेमुळे संपूर्ण आंदर मावळ परिसरात शोककळा पसरली आहे. ओंकार दत्ता आरडे आणि दर्शन बाळू शिंदे असे मृत्यू झालेल्या शिवभक्तांची नावे आहेत. हे दोघेही मावळ तालुक्यातील शिंदेवाडी येथील रहिवासी होते.
याप्रकरणी अधिक माहिती अशी की, ओंकार आणि दर्शन शिवजयंतीनिमित्त विसापूर किल्ल्यावरून शिवज्योत घेऊन मोठ्या उत्साहात गावाकडे परतत होते. दरवर्षीप्रमाणे यंदाही शिवभक्तांनी पारंपरिक पद्धतीने किल्ल्यावरून शिवज्योत आणण्याचा कार्यक्रम आयोजित केला होता.
दरम्यान, जुन्या पुणे–मुंबई महामार्गावरील नायगाव परिसरात हे शिवभक्त मध्यरात्रीच्या सुमारास, सुमारे दीड वाजण्याच्या सुमारास पोहोचले होते. त्यावेळी ते शिवज्योत घेऊन धावत असतानाच विरुद्ध दिशेने येणारी एक कार अचानक दुभाजक ओलांडून त्यांच्या दिशेने आली. कारचालकाने बेदरकारपणे वाहन चालवत या दोघांना जोरदार धडक दिली.
या भीषण धडकेत ओंकार आरडे आणि दर्शन शिंदे यांचा जागीच मृत्यू झाला. अपघात इतका भीषण होता की दोघांनाही गंभीर दुखापती झाल्या आणि त्यांचा घटनास्थळीच मृत्यू झाला. घटनेची माहिती मिळताच परिसरातील नागरिक आणि पोलिसांनी तात्काळ घटनास्थळी धाव घेतली. या दुर्दैवी घटनेमुळे शिंदेवाडी तसेच आंदर मावळ परिसरात मोठी हळहळ व्यक्त होत आहे. शिवजयंतीच्या दिवशीच दोन तरुण शिवभक्तांचा मृत्यू झाल्याने गावात शोककळा पसरली आहे.
Web Summary : Two Shivbhakts died in a tragic accident near Pune while carrying Shivjyot. The accident occurred when a car hit them near Naigaon on the Pune-Mumbai highway. Omkar Arde and Darshan Shinde, residents of Shindewadi, died on the spot, casting a pall of gloom over the region.
Web Summary : पुणे के पास शिवज्योति ले जाते समय एक दुखद दुर्घटना में दो शिवभक्तों की मौत हो गई। दुर्घटना तब हुई जब पुणे-मुंबई राजमार्ग पर नायगांव के पास एक कार ने उन्हें टक्कर मार दी। शिंदेवाड़ी के निवासी ओंकार आरडे और दर्शन शिंदे की मौके पर ही मौत हो गई, जिससे इलाके में मातम छा गया।