Pune Crime : हातात धारदार कोयता घेऊन जीवे मारण्याची धमकी 

शिवीगाळ, दमदाटी करून हातात धारदार कोयता घेऊन येऊन तुला कापून टाकीन असे धमकी दिली.

नारायणगाव : गाडी मागे घेण्याच्या कारणावरून नारायणगाव येथील भरचौकात हातात धारदार कोयता घेऊन जीवे मारण्याची धमकी देणाऱ्या तरुणावर नारायणगाव पोलिसांनी गुन्हा दाखल केला आहे.

रोहन गणपत सपकाळ (वय. २४ रा. नारायणगाव, ता. जुन्नर, जि. पुणे) या तरुणावर गुन्हा दाखल करण्यात आला आहे. याबाबत यश जयसिंग भुजबळ (रा. नंबरवाडी, वारूळवाडी, ता. जुन्नर जि. पुणे) यांनी फिर्याद दिली आहे.

याबाबत नारायणगाव पोलिस ठाण्याचे सहायक पोलिस निरीक्षक प्रवीण सपांगे यांनी दिलेल्या माहिती नुसार, यश जयसिंग भुजबळ हे दिनांक २८ जानेवारी रोजी रात्री ११:३० वाजता नारायणगाव खोडद रोड येथील बँक ऑफ इंडियाचे एटीएम मशीन मधून पैसे काढण्यासाठी गेले असता रोहन सपकाळ याने त्यांना शिवीगाळ, दमदाटी करून हातात धारदार कोयता घेऊन येऊन तुला कापून टाकीन असे धमकी दिली. पोलिसांनी रोहन सपकाळ याच्यावर गुन्हा दाखल केला आहे. या गुन्ह्याचा पुढील तपास पोलिस हवालदार हे करीत आहेत.