Pune Crime : मैत्रिणीला भेटायला आला अन्...; ४ महिन्यांपासून फरार आरोपी अखेर पोलिसांच्या जाळ्यात अडकला

- तो वडगाव येथे मैत्रिणीला भेटायला आला आणि अलगद पोलिसांच्या जाळ्यात अडकला.

धनकवडी : खंडणी, जबरी चोरी, प्राणघातक हल्ला, खुनाचा प्रयत्न अशा गंभीर गुन्ह्यांत मकाेका (महाराष्ट्र संघटित गुन्हेगारी नियंत्रण अधिनियम) कायद्याखाली गुन्हा दाखल असलेल्या आरोपीला जेरबंद करण्यात भारती विद्यापीठ पोलिसांना यश आले. चंद्रशेखर ऊर्फ शेखर विठोबा ठोंबरे (वय २८, रा. कदम चाळ, गल्ली क्र. ५, संतोषीमाता मंदिराजवळ, संतोषनगर, कात्रज) असे आरोपीचे नाव आहे. तो वडगाव येथे मैत्रिणीला भेटायला आला आणि अलगद पोलिसांच्या जाळ्यात अडकला. तो गेल्या ४ महिन्यांपासून फरार होता.

पोलिस अंमलदार महेश बारवकर, मंगेश गायकवाड, मितेश चोरमोले, सागर बोरगे, किरण साबळे यांनी सापळा रचला आणि ठोंबरेला वडगाव येथील प्रयेजा सिटी, एस. आर. ए. बिल्डिंगजवळ पकडून अटक केली.

ही कारवाई भारती विद्यापीठ पोलिस ठाण्यातील वरिष्ठ पोलिस निरीक्षक राहुल खिलारे, पोलिस उपनिरीक्षक नीलेश मोकाशी, पोलिस अंमलदार महेश बारवकर, मंगेश गायकवाड, मितेश चोरमोले, सागर बोरगे, सचिन सरपाले, मंगेश पवार, नीलेश खेरमोडे, किरण साबळे, तुकाराम सुतार, संदीप आगळे, अभिनय चौधरी यांच्या पथकाने केली.