Pune Crime: कॉलेजच्या मुलींसमोर करायचा नको 'ते' कृत्य;बड्या अधिकाऱ्याच्या मुलाचा प्रताप; पोलिसांकडून अटक

मुलींकडे बघत अश्लील कृत्य करणारा आरोपी अटक; महापालिकेच्या अधिकाऱ्याच्या मुलाचा प्रताप

पुणे : कारमध्ये बसून सार्वजनिक ठिकाणी अश्लील कृत्य करणाऱ्या आरोपीला शिवाजीनगर पोलिसांनी रंगेहाथ पकडले. प्रणव केदार वझे (रा. मॉडेल कॉलनी, शिवाजीनगर) असे आरोपीचे नाव आहे. महापालिका अधिकाऱ्याच्या मुलाने हा प्रताप यापूर्वी देखील काहीवेळा केल्याची माहिती पोलिसांनी दिली.

पोलिसांनी दिलेल्या माहितीनुसार, आरोपी प्रणव हा वारंवार शिवाजीनगर परिसरातील एका महाविद्यालयाच्या आवारात कारमध्ये बसून पँट गुडघ्यापर्यंत काढून समोर मोबाइल धरून मुलींकडे बघत अश्लील चाळे करायचा.

हा प्रकार ऑक्टोबर २०२५ पासून ४ मार्च २०२६ दरम्यान अनेकदा घडला. यामुळे महाविद्यालयीन मुलींच्या मनास लज्जा उत्पन्न होईल असे कृत्य त्याने केल्याने एका महिलेने याप्रकरणी शिवाजीनगर पोलिस ठाण्यात फिर्याद दिली. त्यानंतर आरोपीला महाविद्यालयाच्या परिसरातूनच पोलिसांनी पाठलाग करून ताब्यात घेत अटक केली. याप्रकरणाचा पुढील तपास पोलिस उपनिरीक्षक वलसे या करत आहेत.