‘हॅलो हॉटेलमध्ये बॉम्ब आहे;' तो' फोन कॉल अन् पुण्यातील पंचतारांकित हॉटेलमध्ये एकच खळबळ

By ऑनलाइन लोकमत | Updated: November 30, 2025 18:12 IST2025-11-30T18:11:52+5:302025-11-30T18:12:24+5:30

“हॉटेलमध्ये बॉम्ब ठेवला आहे, तात्काळ हॉटेल रिकामे करा,” असा इशारा देण्यात आला. प्रसंगाचे गांभीर्य लक्षात घेऊन हॉटेल प्रशासनाने त्वरित पोलिसांना याची माहिती दिली.

Pune Crime Hello theres a bomb in the hotel; that phone call and a commotion in a five-star hotel in Pune | ‘हॅलो हॉटेलमध्ये बॉम्ब आहे;' तो' फोन कॉल अन् पुण्यातील पंचतारांकित हॉटेलमध्ये एकच खळबळ

‘हॅलो हॉटेलमध्ये बॉम्ब आहे;' तो' फोन कॉल अन् पुण्यातील पंचतारांकित हॉटेलमध्ये एकच खळबळ

पुणे - शहरातील कोरेगाव पार्क परिसरातील एका प्रसिद्ध पंचतारांकित हॉटेलच्या लँडलाईनवर बॉम्ब ठेवल्याची धमकी देणारा कॉल आल्याने शुक्रवारी दुपारी मोठी धावपळ उडाली. तात्काळ हॉटेल रिकामे करण्यास सांगत अज्ञात व्यक्तीने धमकी दिल्यानंतर पोलीस आणि बॉम्ब शोधक पथक घटनास्थळी दाखल झाले. मात्र तपासणीत हा कॉल खोटा असल्याचे स्पष्ट झाले.

अधिकच्या माहितीनुसार, शुक्रवारी सुमारे १२.३० वाजण्याच्या सुमारास एका मोबाईल नंबरवरून हॉटेलच्या अधिकृत लँडलाईनवर कॉल आला. “हॉटेलमध्ये बॉम्ब ठेवला आहे, तात्काळ हॉटेल रिकामे करा,” असा इशारा देण्यात आला. प्रसंगाचे गांभीर्य लक्षात घेऊन हॉटेल प्रशासनाने त्वरित पोलिसांना याची माहिती दिली. काही मिनिटांतच पोलीस आणि बॉम्ब शोधक-नाशक पथक हॉटेलमध्ये दाखल झाले. संपूर्ण परिसराची कसून तपासणी केल्यानंतर कोणताही संशयास्पद वस्तू किंवा धोका आढळला नाही.

या प्रकरणी हॉटेलचे सुरक्षा व्यवस्थापक यांनी दिलेल्या फिर्यादीनुसार कोरेगाव पार्क पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. तपासासाठी कॉल केलेल्या मोबाईल क्रमांकाची (९८३२२५****) नोंद घेण्यात आली असून आरोपीचा माग काढण्यासाठी पुढील तपास सुरू आहे. पोलिसांनी हा प्रकार खोडसाळ असल्याचे म्हटले असून अशा प्रकारच्या फेक कॉल्सना गांभीर्याने पाहत तपास सुरू असल्याची माहिती दिली आहे.

Web Title : पुणे के पांच सितारा होटल में बम की धमकी से दहशत

Web Summary : पुणे के एक होटल के लैंडलाइन पर बम की धमकी से दहशत फैल गई। पुलिस और बम निरोधक दस्ते ने तलाशी ली, लेकिन कोई बम नहीं मिला। कॉल को अफवाह बताया गया और पुलिस गुमनाम धमकी की जांच कर रही है।

Web Title : Bomb Threat Call Sparks Panic at Pune Five-Star Hotel

Web Summary : A bomb threat on a hotel landline in Pune caused panic. Police and bomb squads searched the premises, finding no bomb. The call was deemed a hoax, and police are investigating the anonymous threat.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.