पुणे : महापालिकेने २०२२ मध्ये केलेल्या थेट सेवा भरतीच्या नावाखाली सुशिक्षित बेरोजगार तरुणांची कोट्यवधी रुपयांची फसवणूक झाली असून, या प्रक्रियेत मोठ्या प्रमाणात भ्रष्टाचार झाल्याचा आरोप आम आदमी पार्टी युवा मोर्चाचे प्रदेशाध्यक्ष रविराज काळे यांनी पत्रकार परिषदेत केला. या प्रकरणी संबंधितांवर गुन्हा दाखल करावा, तसेच एसआयटीमार्फत चौकशी करावी, अशी मागणीही यावेळी केली.
महापालिकेच्या भरती घोटाळ्यात एक संघटित टोळी सामील होती. नोकरी मिळवून देण्याच्या नावाखाली प्रत्येक उमेदवाराकडून ४५ लाख रुपयांपर्यंतची खंडणी उकळण्यात आली. या टोळीने पुणे महापालिकेचे तत्कालीन अतिरिक्त आयुक्त रवींद्र बिनावडे यांच्यासह अनेक वरिष्ठ अधिकाऱ्यांची नावे आणि बनावट सह्या वापरल्या.
या बनावट कागदपत्रांमुळे प्रशासनाच्या प्रतिष्ठेला धक्का बसला आणि बेरोजगार तरुणांचे भविष्य धोक्यात आले. त्यामुळे या संपूर्ण प्रकरणाची विशेष तपास पथक (एसआयटी) मार्फत चौकशी करावी, या घोटाळ्यात पालिका अधिकारी किंवा कर्मचारी सामील असल्याचे आढळल्यास त्यांच्यावर कठोर कारवाई करावी. मुख्य गुन्हेगारांना तत्काळ अटक करून त्यांच्यावर फौजदारी गुन्हा दाखल करावा, यासाठी लवकरच राज्याचे मुख्यमंत्री देवेंद्र फडणवीस यांची भेट घेणार असल्याचे काळे यांनी यावेळी सांगितले.
Web Summary : Aam Aadmi Party alleges massive corruption in Pune Municipal Corporation's 2022 recruitment. Candidates were allegedly extorted up to ₹45 lakhs with forged documents bearing senior officials' names. An SIT investigation and filing of criminal charges are demanded to protect unemployed youth.
Web Summary : आम आदमी पार्टी का आरोप है कि पुणे महानगरपालिका की 2022 की भर्ती में भारी भ्रष्टाचार हुआ। उम्मीदवारों से कथित तौर पर 45 लाख रुपये तक वसूले गए, जिसमें वरिष्ठ अधिकारियों के नाम के जाली दस्तावेज थे। बेरोजगार युवाओं की सुरक्षा के लिए एसआईटी जांच और आपराधिक आरोप दाखिल करने की मांग की गई है।