दारूच्या नशेत प्रवाशाला 'गोवा एक्सप्रेस'मधून फेकलं; प्रवाशाचा जागेवरच मृत्यू, एकास अटक 

प्रवासादरम्यान दोघांची ओळख झाली. काही वेळाने दोघात पिण्याच्या पाण्यावरून वाद झाले.

पुणे : दारूच्या नशेत सोबतच्या प्रवाशांसोबत भांडण करून त्याला धावत्या रेल्वेतुन बाहेर फेकण्याची घटना सोमवारी केडगाव स्थानकावर  घडली. या प्रकरणी नितीन दीपक जाधव (वय 21,श्रीरामपूर ,जिल्हा अहमदनगर) यांस आरपीएफ ने अटक केली. 

आरोपी नितीन जाधव व मयत गजानन राठोड (वय 33 रा. हिंगोली) हे दोघे गोवा एक्सप्रेस (गाडी क्रमांक 02780) च्या जनरल डब्यांतुन प्रवास करीत होते.प्रवासा दरम्यान दोघांची ओळख झाली. काही वेळाने दोघात पिण्याच्या पाण्यावरून वाद झाले.दोघेही दारू प्यायले होते.वाद विकोपाला गेल्यावर आरोपी नितीन जाधव याने राठोड यास रेल्वे तुन ढकलून दिले. राठोड समोरच्या डाऊन ट्रक वर पडला. राठोड यांचा जागेवर मृत्यू झाला. यावेळी आरोपींने पळ काढण्यासाठी डब्यातील चेन ओढून रेल्वे थांबवली. त्यावेळी ड्युटी वर असलेले आरपीएफ कर्मचारी विठ्ठल भोसले यांनी पळून जाणाऱ्या आरोपीस पाठलाग करून पकडले असता.त्याने सर्व हकीकत सांगितले. केडगाव आरपीएफने त्याला ताब्यात घेऊन लोहमार्ग पोलीसाच्या ताब्यात दिले.