पुणे : महिलांसाठी आणलेले विधेयक लोकसभेत नामंजूर होणे दुर्दैवी होते. हा दिवस खऱ्या अर्थाने काळा दिवस होता. देशातील महिलांना सन्मान व न्याय देण्यासाठी आणलेले हे विधेयक नाकारून विरोधकांनी महिलांचा अपमान केला असल्याची टीका उदय सामंत यांनी केली आहे. अक्षय्य तृतीयेच्या मुहूर्तावर धर्मवीर आनंद दिघे नागरी साहाय्यता कक्षाचे उद्घाटन पुण्यात सामंत यांच्या हस्ते झाले. यावेळी ते बोलत होते.
सामंत म्हणाले, विरोधकांना महिलांसमोर जाऊन आता मते मागण्याचा अधिकार नाही. महाविकास आघाडी आणि काँग्रेस यांना महिलांना आरक्षण मिळू द्यायचे नाही, हेच यातून स्पष्ट झाले आहे. उद्धवसेनेच्या माजी खासदारांनी या विधेयकाला पाठिंबा दिला असेल, तर त्यांचे अभिनंदन करायला हवे असेही त्यांनी यावेळी सांगितले.
कॅप्टन अशोक खरातवर कारवाईची मागणी
कॅप्टन अशोक खरात याच्यावर कठोर कारवाई करण्याची मागणी एकनाथ शिंदे यांनी केली आहे. त्यामुळे विरोधकांच्या आरोपांकडे लक्ष देण्याची गरज नाही. अशा नीच प्रवृत्ती ठेचून काढण्याची शिवसेनेची भूमिका आहे. या प्रकरणाचा एसआयटी तपास सुरू असून, त्यातील सत्य लवकरच बाहेर येईल. दोषींना सोडले जाणार नाही. तपास यंत्रणेच्या कामात मला हस्तक्षेप व त्यावर भाष्य करता येणार नाही. खरातसोबत कोणाचे फोटो आले म्हणजे तेही तितकेच दोषी आहेत, असे मानणे योग्य नाही.
पुण्यातील नागरिकांना या कक्षाचा चांगला लाभ होईल
शासकीय योजनांचा लाभ तळागाळातील लोकांना मिळावा, यासाठी प्रत्येक शिवसैनिकाने पुढे यावे. साहाय्यता कक्षाची चळवळ गावागावांत पोहोचावी, यासाठी आपण प्रयत्न करायला हवेत. अशा उपक्रमांतून समाज तर घडतोच, पण तुमच्यातील नेतृत्वही विकसित होते. चांगले काम करणाऱ्या लोकांच्या पाठीशी शिवसेना नेहमीच उभी राहते. र्वसामान्य माणसाच्या अडीअडचणी सोडवण्यासाठी वेळोवेळी त्यांना मदतीचा हात देण्याचा धर्म शिवसेना पक्षाने पाळलेला आहे. धर्मवीर आनंद दिघे अखेरच्या श्वासापर्यंत सामान्यांसाठी कार्यरत होते. त्यांच्याच नावाने शिवसेना नेते व उपमुख्यमंत्री एकनाथ शिंदे यांच्या संकल्पनेतून 'धर्मवीर आनंद दिघे नागरी साहाय्यता कक्ष' ही लोकचळवळ सुरू झाली आहे. पुण्यातील नागरिकांना या कक्षाचा चांगला लाभ होईल व शिवसेनेची सामान्य लोकांप्रती असलेली बांधीलकी अधिक घट्ट होईल.
Web Summary : Uday Samant criticized the rejection of the Women's Reservation Bill in Lok Sabha, calling it an insult to women. He stated opposition parties don't want to give reservation to women. He also demanded strict action against Captain Ashok Kharat.
Web Summary : उदय सामंत ने लोकसभा में महिला आरक्षण विधेयक को अस्वीकार करने की आलोचना करते हुए इसे महिलाओं का अपमान बताया। उन्होंने कहा कि विपक्षी दल महिलाओं को आरक्षण नहीं देना चाहते। उन्होंने कैप्टन अशोक खरात के खिलाफ सख्त कार्रवाई की भी मांग की।