MHT CET Result Topper: कष्ट, शिक्षकांचे मार्गदर्शन अन् आई-वडिलांचे आशीर्वाद; पुण्यातील तनय, सिद्धांत, ध्रुव, अनुजचे ‘सीईटी’त शतक

MHT CET Result Topper दररोज सुमारे ८ तास सातत्यपूर्ण आणि एकाग्रतेने अभ्यास, घरातून मिळालेली माेलाची साथ, शिक्षकांचे मार्गदर्शन यामुळे आम्हाला यश संपादन करता आले

पुणे : राज्य सामायिक प्रवेश परीक्षा कक्षाने साेमवारी (दि. १६) 'एमएचटी सीईटी' परीक्षेचा निकाल जाहीर केला असून, यात राज्यातील २२ विद्यार्थ्यांनी १०० पर्सेंटाइल मिळविले आहेत. त्यात पुण्यातील तनय गाडगीळ, सिद्धांत पाटणकर, ध्रुव नातू, अनुज पगार यांचा समावेश आहे. याचबराेबर पुण्यातीलच पृथ्वीराज वाघमाेडे याला ९९.९९ पर्सेंटाइल मिळाले आहेत. (MHT CET Result Topper) 

सातत्यपूर्ण अभ्यासामुळे यश 

या यशाबद्दल तनय गाडगीळ म्हणाला की, मागील दोन वर्षांपासून दररोज सुमारे ८ तास सातत्यपूर्ण आणि एकाग्रतेने अभ्यास करत होताे. अभ्यासातील सातत्य आणि शिक्षणांचे मिळालेले याेग्य मार्गदर्शन यामुळे मी हे यश संपादन करू शकलाे. यात माझ्या आई-वडिलांचाही माेलाचा वाटा आहे. माझ्या या यशाचे श्रेय मी लोयोला हायस्कूल, एमटीईएस कॉलेज आणि एम प्रकाश इन्स्टिट्यूटमधील शिक्षकांना देतो, असेही त्याने सांगितले. त्याचे आई-वडील दाेघेही संशाेधक आहेत.

घरातून मिळालेली साथ माेलाची

अनुज शिवप्रसाद पगार म्हणाला की, सीईटीचा निकाल हाती आला आणि शंभर पर्सेंटाइल मिळाल्याचे कळताच खूप आनंद झाला. माझी आई सुजाता ही नॉव्हेल इंटरनॅशनल स्कूलमध्ये शिक्षक आहे, तर वडील शिवप्रसाद हे टाटा मोटर्स लिमिटेडमध्ये पुणे आणि पिंपरीत काम करतात. घरातूनही मला या अभ्यासासाठी खूप मदत झाली. त्यामुळेच मी हे यश संपादन करू शकलाे.

वडीलधाऱ्यांचे आशीर्वाद अन् कष्ट फळाला मिळाले 

मी सिद्धांत पाटणकर. गेली पाच वर्षे अर्थात आठवी ते बारावी सीईटीची तयारी केली. ‘एम. प्रकाश’मध्ये फाउंडेशन तयार केलं आहे. जेईई ॲडव्हान्समध्ये माझा ७९० वा रँक आला आणि आयआयटी मुंबईला इलेक्ट्रॉनिक इंजिनिअरिंगसाठी प्रवेश मिळाला आहे. सीईटी ॲडव्हान्सला १०० पर्सेंटाइल आले आणि टॉपर्स लिस्टमध्ये माझं नाव झळकलं. याचे कारण मी दररोज न चुकता आठ ते दहा तास अभ्यास करताे. अभ्यासाशिवाय काहीच केलेलं नाही. हे माझे कष्ट, शिक्षकांचे मार्गदर्शन आणि आई-वडिलांचे आशीर्वाद यामुळे मला हे यश मिळवता आले.