Pune Police: पुढील ३० दिवसांच्या आत दंड न भरल्यास लायसन्स रद्द; पुणे वाहतूक पोलिसांचा निर्णय

दि. २६ फेब्रुवारी २०२६ पासून पुढील ३० दिवसांसाठी एक विशेष चलन भरणा मोहिम सुरु करण्यात येणार असल्याची माहिती पोलिसांनी दिली आहे

पुणे: पुण्यात वाहतुकीचे नियम मोडणाऱ्या चालकांवर वाहतूक पोलिसांनीकारवाईचा बडगा उगारला आहे. जे नागरिक वाहतुकीच्या दंडाचे चलन पुढील ३० दिवसाच्या आत भरणार नाहीत. अशा वाहनचालकांचे लायसन्स रद्द करण्याचा निर्णय वाहतूक पोलीस विभागाने घेतला आहे. पुणे शहर वाहतूक पोलीस विभागाचे हिम्मत जाधव यांनी एक्सच्या माध्यमातून अशी माहिती दिली आहे.   

दि. २६ फेब्रुवारी २०२६ पासून पुढील ३० दिवसांसाठी एक विशेष चलन भरणा मोहिम आयोजित करण्यात आली आहे. यामध्ये २६ फेब्रुवारी ते १ मार्च दरम्यान नागरिकांना आपल्या नंबरवर MHPECH-G या अधिकृत शॉर्टकोडद्वारे येणाऱ्या एसएमएस अनुसार आपल्या वाहनांवरील दंड भरावा ही विनंती जाधव यांनी केली आहे. 

दि. २६ फेब्रुवारी २०२६ पासून पुढील ३० दिवसांसाठी एक विशेष चलन भरणा मोहिम आयोजित करण्यात आली आहे. यामध्ये २६ फेब्रुवारी ते १ मार्च दरम्यान नागरिकांना आपल्या नंबरवर MHPECH-G या अधिकृत शॉर्टकोडद्वारे येणाऱ्या एसएमएस अनुसार आपल्या वाहनांवरील दंड भरावा ही विनंती.#PuneTrafficPolicepic.twitter.com/151aoHJxyt

— पुणे शहर वाहतूक पोलीस (@PuneCityTraffic) February 26, 2026

पुण्यात अनेक चालक नियम मोडून वाहन चालवताना दिसून येत आहेत. त्यामुळे सीसीटीव्हीच्या माध्यमातून वाहनावर दंड आकारले जात आहेत. तसेच पोलीस तपासणीतही अनेक वाहनांवर ऑनलाईन दंड आकारले जात आहेत. ते दंड वेळेत वाहनचालक भरत नाहीत. आता यावर उपाय म्हणून वाहतूक पोलिसांनी नागरिकांना ३० दिवसांची मुदत दिली आहे. ही मुदत संपण्याच्या आत दंड न भरल्यास थेट लायसन्स रद्द करणार असल्याचे सांगितले आहे.