बारामती : बारामती-पारवडी मार्गावर गुरुवारी (दि ४) रात्री साडेआठच्या सुमारास झालेल्या भीषण अपघातात दुचाकीवरील माय-लेकीचा जागीच मृत्यू झाला, तर पती व दोन वर्षांचा मुलगा गंभीर जखमी झाले आहेत. या दुर्दैवी घटनेमुळे परिसरात हळहळ व्यक्त केली जात आहे.
पोलिसांनी दिलेल्या माहितीनुसार, मयूर कोकणे हे पत्नी रूपाली कोकणे, पाच वर्षांची मुलगी सानवी आणि दोन वर्षांचा मुलगा कृष्णा यांच्यासह दुचाकीवरून बारामतीहून पारवडीकडे जात होते. दरम्यान, बारामती-कटफळ-पारवडी मार्गावरील परीट वस्ती परिसरात खडकीकडून बारामतीच्या दिशेने चुकीच्या दिशेने येणाऱ्या चारचाकी वाहनाने त्यांच्या दुचाकीला जोरदार धडक दिली. या भीषण अपघातात सानवी मयूर कोकणे (वय ५) व तिची आई रूपाली मयूर कोकणे (२५) यांचा मृत्यू झाला. तर मयूर कोकणे आणि त्यांचा दोन वर्षांचा मुलगा कृष्णा गंभीर जखमी झाले.
अपघातानंतर स्थानिक ग्रामस्थांनी तातडीने घटनास्थळी धाव घेत जखमींना उपचारासाठी रुग्णालयात हलवले. मात्र, रूपाली व सानवी यांचा मृत्यू झाल्याचे डॉक्टरांनी सांगितले. अपघातानंतर कारचालकाने वाहन घटनास्थळी सोडून पलायन केल्याची प्राथमिक माहिती समोर आली आहे. दरम्यान, पोलिसांनी घटनास्थळी पंचनामा करून वाहन ताब्यात घेतले असून फरार चालकाविरोधात गुन्हा दाखल करण्याची प्रक्रिया सुरू आहे.
Web Summary : A tragic accident near Baramati claimed the lives of a mother and daughter after a car traveling in the wrong direction collided with their motorcycle. The husband and their two-year-old son sustained serious injuries. The car driver fled the scene; police are investigating.
Web Summary : बारामती के पास एक दर्दनाक हादसे में गलत दिशा से आ रही कार ने मोटरसाइकिल को टक्कर मार दी, जिससे माँ और बेटी की मौके पर ही मौत हो गई। पति और दो साल का बेटा गंभीर रूप से घायल हो गए। कार चालक फरार है, पुलिस जांच कर रही है।