गोळीबारात तरुण बचावला

पानशेत रस्त्यावर चार हल्लेखोर तरुणांनी केलेल्या गोळीबारातून दीपक कडू हा युवक बचावला. हल्लेखोरांनी गोळीबार करुन लगेचच पळ काढला.

खडकवासला : पानशेत रस्त्यावर चार हल्लेखोर तरुणांनी केलेल्या गोळीबारातून दीपक कडू हा युवक बचावला. हल्लेखोरांनी गोळीबार करुन लगेचच पळ काढला. रात्री उशिरापर्यंत हल्लेखोरांची नावे स्पष्ट झालेली नाहीत. पानशेत रस्त्यावर सोमवारी सायंकाळी पाचच्या सुमारास ही घटना घडली. दीपक सुभाष कडू (रा. कुरण खुर्द) हा आज त्याचे दुचाकीवरुन पुण्याच्या दिशेने येत असताना निगडे-ओसाडे या गावचे हद्दीलगत पाठीमागून दोन दुचाकींवर आलेल्या चार हल्लेखोरांपैकी एकाने त्याच्या दिशेने गोळीबार करत दोन गोळ्या झाडल्या. सुदैवाने यात दीपकला कोणतीही दुखापत झाली नाही. हल्लेखोर तरुणही लगेचच पुण्याच्या दिशेने पसार झाल्याने या हल्ल्याबाबत संदिग्धता वाढली आहे. (वार्ताहर)