उपमुख्यमंत्री अजित पवार यांचं बारामती येथे विमान अपघातात निधन झाले. या निधनानंतर राज्यात शोककळा पसरली आहे. सोशल मीडियावर अनेक जण व्यक्त होत आहेत. अजित पवार यांचे पुतणे युगेंद्र पवार यांनीही सोशल मीडिया प्लॅटफॉर्म एक्सवर एक पोस्ट केली. यामध्ये त्यांनी 'तुम्हाला बघत-बघत, मी लहानाचा मोठा झालो. तुमच्याकडे पाहत तुमच्यासारखं बनण्याचं स्वप्नं मनात बाळगलं', असे म्हटलं आहे.
Video: गोविंदबागेतील 'तो' व्हिडिओ समोर; मृत्यूच्या १० दिवसांपूर्वीच शरद पवारांसोबत अजितदादांची चर्चा
"प्रिय अजितकाका, तुम्हाला बघत-बघत, मी लहानाचा मोठा झालो. तुमच्याकडे पाहत तुमच्यासारखं बनण्याचं स्वप्नं मनात बाळगलं. तुमच्यापासूनच प्रेरणा घेऊन, तुम्हाला माझा अभिमान वाटेल असं आयुष्य जगण्याचा मी सदैव प्रयत्न करीत राहीन',तुमच्या आठवणी सदैव माझ्यासोबत राहतील. मिस यू अजितकाका, असेही या पोस्टमध्ये युगेंद्र पवार म्हणाले.
१० दिवसांपूर्वीच शरद पवारांसोबत अजितदादांची चर्चा
बारामतीच्या पत्रकार परिषदेत शरद पवारांनी खुलासा केला की, गेल्या ४ महिन्यापासून दोन्ही राष्ट्रवादी एकत्र येण्याची चर्चा सुरू होती. अजित पवार आणि जयंत पाटील हे या चर्चेचं नेतृत्व करत होते. सर्व चर्चा या दोघांनी केली. आमच्या पक्षाने आणि अजित पवार यांच्या पक्षाने एकत्र काम करण्याची प्रक्रिया सुरू करावी, यावर एकमत होते. १२ तारखेला याबाबत निर्णय जाहीर करायचा होता परंतु या अपघाताने यात खंड पडला असं त्यांनी सांगितले.
तर अजित पवारांची जी अंतिम इच्छा होती, ती शरद पवारांची राष्ट्रवादी काँग्रेस पूर्ण करण्यासाठी बांधील आहे. दोन्ही राष्ट्रवादी एकत्र येणे हा राजकीय स्वार्थ नव्हता. प्रत्येक पक्षाला त्यांचा निर्णय घ्यायचा होता. विलीनीकरणाबाबत १०० टक्के चर्चा झाली होती. नगरपालिका निवडणुकीनंतर या चर्चांना वेग आला. सुरुवातीला जयंत पाटील यांच्यासोबत २- ३ वेळा चर्चा झाल्या. त्यानंतर लगेच महापालिका निवडणुका आल्या त्यामुळे चर्चेत अडथळे येत होते. मात्र जिल्हा परिषद निवडणुका लागल्या नसत्या तर विलीनीकरण अगोदरच झाले असते. मात्र जिल्हा परिषद निवडणुका एकत्र लढवायच्या हे ठरले. त्यानंतर निकालानंतर दोन्ही राष्ट्रवादीचं विलीनीकरण करायचे हे ठरले होते असा दावा प्रदेशाध्यक्ष शशिकांत शिंदे यांनी केला
Web Summary : Following Ajit Pawar's demise, nephew Yugendra Pawar shared an emotional message, expressing admiration and a lifelong dream to emulate his uncle. Merger talks with Sharad Pawar were underway prior to his death.
Web Summary : अजित पवार के निधन के बाद, भतीजे युगेंद्र पवार ने एक भावुक संदेश साझा किया, जिसमें उन्होंने अपने चाचा की प्रशंसा की और उनके जैसा बनने का आजीवन सपना व्यक्त किया। उनकी मृत्यु से पहले शरद पवार के साथ विलय की बातचीत चल रही थी।