होळीच्या दिवशी मद्यधुंद चालकाचे कार वरील नियंत्रण सुटले; भररस्त्यात कार पलटी, पिंपरी चिंचवडमधील घटना

मद्यधुंद कार चालक डांगे चौकाकडून पुण्याच्या दिशेने जात होता. सांगवी फाटा या ठिकाणी त्याचे कार वरील नियंत्रण सुटल्याने हा अपघात झाला

पिंपरी चिंचवड: होळीच्या दिवशी मद्यप्राशन करून गाडी चालवू नये असे आवाहन करूनही तरुण ऐकताना दिसून येत नाही. त्यामुळे अपघात घडून मोठ्या दुर्घटनेला आमंत्रण दिले जात आहे. अशीच एक घटना पिंपरीत घडली आहे. कार चालकाचे त्याच्या कार वरील नियंत्रण सुटल्याने भर रस्त्यात कार पलटी होऊन कार चालक गंभीर जखमी झाला आहे.

मिळालेल्या माहितीनुसार, होळीच्या दिवशी मद्यधुंद कार चालकाचा त्याच्या कार वरील नियंत्रण सुटल्याने भर रस्त्यात कार पलटी झाली. या घटनेत कार चालक गंभीर जखमी झाला आहे. पिंपरी चिंचवड शहरातील सांगवी फाटा या ठिकाणी ही दुर्घटना घडली आहे. मद्यधुंद कार चालक डांगे चौकाकडून पुण्याच्या दिशेने जात होता. सांगवी फाटा या ठिकाणी त्याचे कार वरील नियंत्रण सुटल्याने हा अपघात झाला. सांगवी पोलीस सध्या घटनास्थळी दाखल झाले असून कार चालकाला पुढील उपचारासाठी जवळच्या शासकीय रुग्णालयात पाठवण्यात आले आहे.