मार्क झुकरबर्ग करणार 'या' तीन लोकप्रिय कंपन्यांचे विलीनीकरण

1 / 8

मार्क झुकरबर्ग तीन लोकप्रिय कंपन्यांचे विलीनीकरण करणार आहे. फेसबुकने WhatsApp, Instagram आणि Facebook Messenger या तीन मुख्य सेवा एकत्रित करण्याचा निर्णय घेतला आहे.

2 / 8

गुगलच्या ऑर्कुटसारखी फेसबुकची स्थिती होऊ नये म्हणून फेसबुक कंपनी नवनवीन फिचर आणत असते. आता फेसबुकवरून Instagram आणि WhatsApp वरही मॅसेज पाठविता येणार आहेत.

3 / 8

WhatsApp वरून ही सुविधा फेसबुकला मॅसेज पाठविण्यासाठी मिळणार आहे. फेसबुक त्याच्या मालकीच्या या तिन्ही प्लॅटफॉर्मला एकमेकांना जोडण्याची तयारी करत आहे.

4 / 8

न्यूयॉर्क टाईम्समध्ये प्रसिद्ध झालेल्या एका रिपोर्टनुसार ही कल्पना मार्क झुकरबर्ग यांना सुचली आहे. या तिन्ही प्लॅटफॉर्मच्या अ‍ॅपचा वापर बदलणार नसून केवळ एकमेकांना क्रॉस प्लॅटफॉर्मवर मॅसेज पाठविता येणार आहेत.

5 / 8

मॅसेज पाठिवण्याची ही प्रक्रिया एंड टू एंड एनक्रिप्टेड म्हणजे सुरक्षितच असणार आहे. ही प्रणाली आजही WhatsApp मध्ये वापरली जाते. ज्यामुळे WhatsApp वरील मॅसेज कोणीही हॅक करू शकत नाही.

6 / 8

फेसबुकने ही सुविधा कधी सुरू करणार हे अद्याप सांगितले नसले तरीही 2019 च्या शेवटी किंवा 2020 च्या सुरुवातीला सुरू होण्याचे संकेत दिले आहेत.

7 / 8

फेसबुकवर वेळ घालवणाऱ्या लोकांचे प्रमाण क्रॉस प्लॅटफॉर्म मॅसेंजिंग सुविधेमुळे वाढणार आहे.

8 / 8

गुगलच्या मॅसेंजिंग आणि अ‍ॅपलच्या आय मॅसेजला हे टक्कर देऊ शकणार आहे. त्याचबरोबर Facebook, Instagram आणि WhatsApp चे विलीनीकरण होण्याची शक्यता आहे.