पावसाळ्यात मक्याचं कणिस तर भाजून खातोच, यंदा करा पाऊस स्पेशल मक्याच्या ५ चाट रेसिपी

During the monsoon, we eat roasted corn but this year try 5 special corn chaat recipes, rain and corn : पावसाळ्यात नक्की खा मक्याचे चाट. करायला सोपे चवीला मस्त. पावसात खायची मज्जाच और.

पावसाळ्यात जागोजागी मक्याच्या गाड्या उभ्या दिसतात. निखार्‍यावर परतलेला मका खाण्यात मज्जाच काही और आहे. मात्र मक्याच्या दाण्याचे चाटही अगदी छान लागते.

मात्र हा पदार्थ फार महाग विकला जातो. त्यामुळे विकत घेण्यापेक्षा घरीच मक्याच्या उकडलेल्या दाण्याचे पाच प्रकारचे चाट आरामात तयार करा. चवीला विकतपेक्षा मस्त.

मक्याचे दाणे पौष्टिक असतात. जर तुम्ही डाएट करत असाल तर हे दाणे खाणे नक्कीच फायद्याचे ठरेल. खास डाएट करणाऱ्यांसाठी मक्याचे दाणे, काकडी, चाट मसाला, टोमॅटो, कांदा आणि उकडलेले काबुली चणे असे चाट करता येते. थोडे लाल तिखट घालायचे. मूग मटकीही घालू शकता.

अगदी साधी रेसिपी करायची असेल तर मक्याचे दाणे बटरवर मस्त परतून घ्यायचे. त्यात लाल तिखट घालायचे कांदा घालायचा. कोथिंबीर घालायची आणि छान खमंग परतलेले चविष्ट असे चाट खायचे. फक्त बटर आणि तिखट असेल तरी मस्त लागते.

अनेक कॅफेजमध्ये मिळणारे कॉर्न चाट चवीला जरा वेगळे लागते कारणे ते मैदा लावून तळलेले असते. मक्याचे दाणे मैद्या मिक्स करुन कुरकुरीत तळायचे बाकी आवडीच्या भाज्या आणि मसाले घालायचे आणि वरती चीज किसायचे.

ज्यांना तिखट खायला आवडते त्यांच्यासाठी शेजवान चाट अगदी मस्त आहे. शेजवान चटणी मध्ये दाणे मस्त मिक्स करायचे आणि मग त्यात इतरही काही पदार्थ घालायचे. तसेच चीज घालू शकता. बटरही छान लागते. जास्त तिखट नको असेल तर लिंबाचा रस पिळायचा.

विविध फळांचेही कॉर्न चाट करता येते. त्यासाठी केळी, संत्री, मोसंबी, सफरचंद अशी फळे वापरता येतात. त्यात चाट मसाला घालायचा आणि उकडलेले मक्याचे दाणे घालायचे. पावसाळ्यात खाण्यासाठी अगदी छान पौष्टिक पदार्थ आहे.