साबुदाणा वडे तळताना वडा फट्कन फुटून अंगावर गरम तेल उडतं? ३ टिप्स- पोळणार-भाजणार नाही..

आषाढी एकादशीच्या निमित्ताने साबुदाणे वडे करणार असाल तर या काही टिप्स लक्षात ठेवा..

बऱ्याच जणींचा हा अनुभव आहे की साबुदाणे वडे करताना ते फुटतात आणि मग गरम तेल अंगावर उडून चटका बसतो. असा अनुभव आजवर कित्येक जणींनी घेतलेला आहे.

असं होऊ नये म्हणून वडे तळताना या काही गोष्टी लक्षात ठेवा.. ज्यामुळे अशा त्रासदायक घटना तुम्ही टाळू शकाल.

सगळ्यात पहिली गोष्ट म्हणजे साबुदाणा अगदी व्यवस्थित भिजला गेला पाहिजे. कारण जो साबुदाणा चांगला भिजून ओलसर होत नाही, तो तळताना फुटण्याची शक्यता जास्त असते.

साबुदाणा आणि उकडलेला बटाटा अगदी व्यवस्थित एकत्र करून मळून घ्या. ते एकमेकांमध्ये एकजीव झाले पाहिजेत. साबुदाणा सुटा राहिला तर तो फुटण्याची शक्यात जास्त असते.

साबुदाणा वड्यांमध्ये हिरव्या मिरच्या घालणार असाल तर त्या मिक्सरमधून बारीक करून त्याची पेस्ट करून घाला. कारण मिरचीही बऱ्याचदा तळताना फुटते आणि मग तिच्यासोबत तेलही उडून अंगावर येतं.

या टिप्स लक्षात ठेवल्या तर साबुदाणा वडा तळताना अजिबात फुटणार नाही. ना तुम्हाला चटका बसेल ना कढईमध्ये वडा फुटून सगळं तेल खराब होईल..