राम मंदिराचे गर्भगृह तयार! सोन्याचा भव्य दरवाजा, महाराष्ट्राचे आहे खास कनेक्शन; पाहा फोटो

अयोध्येच्या राम मंदिरात राम ललाच्या प्राणप्रतिष्ठा सोहळ्याची तयारी पूर्ण झाली आहे.

राम मंदिराच्या गर्भगृहाच्या सुवर्ण दरवाजाचे फोटो समोर आले आहेत. समोर आलेल्या फोटोमध्ये मंदिराच्या परिसरात प्रकाश दिसत आहे. त्यामुळे मंदिराचे दृश्य विलोभनीय दिसते.

या दरवाजाची किंमत कोट्यवधी रुपये असल्याचे सांगण्यात येत आहे. असे सुमारे १४ सोन्याचे दरवाजे बसवण्यात येणार असल्याचेही बोलले जात आहे. रामललाच्या गर्भगृहात बसवलेल्या सोन्याच्या दरवाजावर सुंदर नक्षीकाम करण्यात आले आहे.

राम मंदिराचे १४ सुंदर दरवाजे महाराष्ट्रातील सागवानापासून बनवलेले असून त्यावर सोन्याने मढवलेले आहेत. हे सोन्याचे दरवाजे हैदराबाद येथील कंपनीच्या कारागिरांनी तयार केले आहेत.

दारांवर भव्यतेचे प्रतीक, गज, सुंदर विष्णू कमळ, स्वागताच्या मुद्रेतील देवी चित्रित केल्या आहेत. सोनेरी दरवाजा सुमारे १२ फूट उंच आणि ८ फूट रुंद आहे.

राम लला यांचा अभिषेक २२ जानेवारीला होणार आहे. गर्भगृहात फक्त १ दरवाजा असेल. त्याच्या दाराच्या चौकटीवर भगवान विष्णूचे निद्रावस्थेतील चित्र कोरलेले आहे. राम मंदिरात एकूण ४६ दरवाजे बसवले जाणार आहेत. यापैकी ४२ वर १०० किलो सोन्याने लेपित असतील.

२२ जानेवारी रोजी प्राणप्रतिष्ठेचा कार्यक्रम होणार असून, या दिवशी सुमारे १०० ठिकाणी पूजा, सांस्कृतिक कार्यक्रम व लोकनृत्यांचे आयोजन करण्यात येणार आहे. या दिवशी मोठ्या संख्येने भाविक येण्याची शक्यता आहे.

२२ जानेवारी रोजी पंतप्रधान नरेंद्र मोदी यांच्याहस्ते राम मंदिरात प्राणप्रतिष्ठा सोहळा होणार आहे. या सोहळ्यासाठी देशभरातील व्हिआयपींना निमंत्रण देण्यात आले आहे.