सूरज चव्हाणच्या लग्नातील खास क्षणांचे फोटो समोर, बायकोच्या पारंपरिक मंगळसूत्राने वेधलं लक्ष

सूरजच्या लग्नाचे फोटो सोशल मीडियावर व्हायरल झाले आहेत. या सगळ्यात सूरजची पत्नी संजनाच्या मंगळसूत्राने लक्ष वेधून घेतलं आहे.

Suraj Chavan Wedding: 'बिग बॉस मराठी ५'चा विजेता आणि रीलस्टार बनून प्रसिद्धी मिळवलेल्या सूरज चव्हाणचा लग्नसोहळा मोठ्या थाटामाटात पार पडला.

सूरजने बालपणीची मैत्रीण असलेल्या संजनासोबत लग्नगाठ बांधत नव्या आयुष्याला सुरुवात केली आहे. सूरजच्या लग्नाला चाहत्यांनी मोठी गर्दी केली होती.

लग्नासाठी सूरजने खास शेरवानी घातली होती. डोक्यावर फेटा आणि हातात तलवार घेतलेला सूरज राजबिंडा दिसत होता.

तर संजना निळ्या रंगाची नऊवारी साडी नेसत नटली होती. सूरजच्या लग्नातील खास क्षणांचे फोटो समोर आले आहेत.

नातेवाईक, कुटुंबीय आणि मित्रपरिवाराच्या उपस्थितीत सप्तपदी घेत सूरज आणि संजनाने कायम एकत्र राहण्याचं आणि सुख दु:खात साथ देण्याचं वचन दिलं.

सूरजच्या लग्नाचे फोटो सोशल मीडियावर व्हायरल झाले आहेत. या सगळ्यात सूरजची पत्नी संजनाच्या मंगळसूत्राने लक्ष वेधून घेतलं आहे.

काळे मणी आणि दोन वाट्या असं पारंपरिक डिझाईन असलेलं मंगळसूत्र सूरजच्या पत्नीला अगदीच शोभून दिसत आहे.

सूरजच्या लग्नाला जान्हवी किल्लेकर, धनंजय पोवार आणि पुरुषोत्तम पाटील यांनी हजेरी लावली होती.