अश्विनी महांगडेची शेतात धमाल, लुटला स्ट्रॉबेरीचा आनंद! चाहत्यांना खास ऑफर देत म्हणाली...

अश्विनी महांगडेनं काही खास फोटो शेअर केले आहेत.

मराठी कलाविश्वात आपल्या कसदार अभिनयाने घराघरात पोहोचलेली अभिनेत्री अश्विनी महांगडे सध्या एका वेगळ्याच कारणाने चर्चेत आली आहे.

रुपेरी पडद्यावर ग्लॅमरस दिसणारी अश्विनी खऱ्या आयुष्यात मात्र मातीशी नातं जपणारी 'शेतकऱ्याची लेक' आहे.

नुकतंच अश्विनीने तिच्या मामा-मामींच्या शेतातील काही खास फोटो सोशल मीडियावर शेअर केले आहेत.

ताज्या स्ट्रॉबेरीचा आनंद घेताना आश्विनी दिसून येत आहे. तिच्या या फोटोंवर चाहत्यांनी कौतुकाचा वर्षाव केला आहे.

यावेळी तिने पिवळ्या रंगाचा टॉप आणि डेनिम जीन्स असा अतिशय साधा पण मोहक लूक केला होता.

हे फोटो शेअर करताना तिने दिलेली कॅप्शन सर्वांचे लक्ष वेधून घेत आहे. अश्विनीने आपल्या चाहत्यांना चक्क मामाच्या शेतावर येण्याचं निमंत्रण दिलं आहे. तिने लिहिलंय, "आमच्या मामा-मामींच्या शेतात यायचं हं!".

अश्विनी महांगडेच्या मामाचे हे शेत पसरणी येथे आहे. पसरणी हे महाराष्ट्रातील सातारा जिल्ह्यातील वाई तालुक्यातील गाव आहे.

अश्विनी महांगडे नेहमीच आपल्या कामातून वेळ काढत गावी जात असते. कधी शेतात राबताना, तर कधी ग्रामीण जीवनाचा आनंद घेतानाचे तिचे फोटो चाहत्यांच्या पसंतीस उतरतात.

सध्या अश्विनी महांगडे 'घरोघरी मातीच्या चुली' मालिकेत काम करताना दिसते आहे. यापूर्वी ती 'आई कुठे काय करते' मालिकेत पाहायला मिळाली. या मालिकेतून तिला चांगलीच लोकप्रियता मिळाली आहे.

अश्विनीने चित्रपटांमध्येही काम केले आहे. ती 'महाराष्ट्र शाहीर', 'धर्मरक्षक अहिल्यादेवी होळकर - एक युग', 'बॉईज' या सिनेमात झळकली आहे.