१०० रूपयांपेक्षा कमी किंमतीचे रिचार्ज प्लॅन्स; फ्री कॉलिंगसह मिळतोय डेटाचाही फायदा

Airtel, Reliance Jio, Vodafone-Idea, BSNL या कंपन्या देत आहेत जबरदस्त प्लॅन्स

तुम्हाला एकाच वेळी मोबाईल रिचार्जसाठी अधिक पैसे खर्च करायचे नसतील आणि स्वस्त प्लॅन्सचा विचार करायचा असेल तर आम्ही तुम्हाला सांगत आहोत रिलायन्स जिओ, एअरटेल, व्होडाफोन-आयडिया आणि बीएसएनएलच्या १०० रुपयांच्या रिचार्ज प्लॅनबद्दल.

आम्ही केवळ त्या रिचार्ज योजना घेतल्या आहेत ज्यांमध्ये अनलिमिटेड कॉलिंगचा फायदा आहे. १०० रुपयांपेक्षा कमी किंमतीच्या या रिचार्ज प्लॅनमध्ये युझर्सना २१ जीबी पर्यंत डेटा मिळतो. या व्यतिरिक्त या रिचार्ज प्लॅनमध्ये वापरकर्त्यांना बर्‍याच फायदे मिळतात. जाणून घेऊया या प्लॅन्समध्ये कोणकोणते फायदे मिळतात.

रिलायन्स जिओच्या १०० रुपयांपेक्षा कमी किंमतीत ९८ रुपयांचा एक प्लॅन मिळतो. जिओच्या या प्लॅनची वैधता १४ दिवसांची आहे. जिओच्या या प्लॅनमध्ये युझर्सना दररोज १.५ जीबी डेटा मिळतो. म्हणजेच एकूण २१ जीबी डेटा योजनेत देण्यात आला आहे.

या प्लॅनमध्ये कोणत्याही नेटवर्कवर अनलिमिटेड कॉलिंगचा फायदादेखील उपलब्ध आहे. याशिवाय जिओ अॅप्सची विनामूल्य सबस्क्रिप्शनही देण्यात येतं.

सरकारी दूरसंचार कंपनी बीएसएनएलकडे अनेक प्लॅन्स आहेत. बीएसएनएलमध्ये १८, २९ रुपये, ९९ रुपयांचे रिचार्ज प्लॅन्स आहेत. १८ रुपयांच्या प्लॅनची वैधता २ दिवसांची आहे. या योजनेत अमर्यादित व्हॉईस आणि व्हिडीओ कॉलिंग सुविधादेखील देण्यात आलं आहे. या प्लॅनसोबत ग्राहकांना रोज १ जीबी डेटा देण्यात येतो. याशिवाय ग्राहकांना १०० एसएमएसही उपलब्ध आहेत.

२९ रूपयांच्या प्लॅनची वैधता ५ दिवसांची आहे. यामध्ये अनलिमिटेड कॉलिंगचं बेनिफिट मइळतं. तसंच यासोबत दररोज १ जीबी डेटाही देण्यात येतो. याशिवाय ३०० एसएमएस पाठवण्याची सुविधाही मिळते.

बीएसएनएलच्या ९९ रूपयांच्या स्पेशल टॅरिफ व्हाऊचर्समध्ये २२ दिवसांची वैधता मिळते. याशिवाय अनलिमिटेड कॉलिंगही मिळतं. शिवाय काही सर्कलमध्ये ४१ रूपयांचाही प्लॅन आहे. या प्लॅनची वैधता २८ दिवसांची आहे. प्लॅनमध्ये कोणत्याही नेटवर्कवर मोफत कॉलिंगचा फायदा मिळतो.

एअरटेलच्या १०० रुपयांपेक्षा कमी किंमतीच्या प्लॅन्समध्ये १९ रुपयांचा प्लॅन आहे. एअरटेलच्या या प्लॅनची वैधता २ दिवसांची आहे.

या प्लॅनमध्ये कोणत्याही नेटवर्कवर अनलिमिटेड कॉलिंगचे फायदेदेखील उपलब्ध आहेत. तसंच या प्लॅनसोबत २०० एमबी डेटा देण्यात येतो. एअरटेलच्या या प्लॅनमध्ये युझर्सना एसएमएस पाठविण्याची सुविधा मिळत नाही.

व्होडाफोन-आयडियाकडे १९ आणि ९९ रुपयांचे दोन प्लॅन्स आहेत. व्होडाफोन आयडियाच्या १९ रुपयांच्या प्लॅनची वैधता २ दिवस आहे. या प्लॅनमध्ये कोणत्याही नेटवर्कवर अनलिमिटेड कॉलिंग फायदे देखील उपलब्ध आहेत.

या प्लॅनमध्ये युझर्सना २०० एमबी डेटा देण्यात येतो. ९९ रुपयांच्या व्होडाफोन-आयडिया प्लॅनची वैधता १८ दिवसांची आहे. तसंच या प्लॅनमध्ये १ जीबी डेटा देण्यात आला आहे. याशिवाय ग्राहकांना १०० एसएमएस पाठवण्याचीही सुविधा देण्यात येत आहे.