Zomato is now Eternal : २० मार्चपासून Zomato ला मिळाली नवी ओळख; मूळ नाव बदलण्यासाठी मंत्रालयाकडूनही मंजुरी

Zomato is now Eternal : तुम्ही जर झोमॅटोचे चाहते असाल तर तुमच्यासाठी ही बातमी महत्त्वाची आहे. कारण, २० मार्चपासून Zomato ला मिळाली नवी ओळख मिळाली असून मूळ नाव बदलण्यासाठी मंत्रालयाने मंजुरी दिली आहे.

फूड डिलिव्हरी कंपनी झोमॅटोबद्दल मोठी बातमी समोर येत आहे. कंपनीच्या नावात बदल झाला आहे. कंपनी व्यवहार मंत्रालयाने झोमॅटोला नाव बदलण्यास मान्यता दिली आहे. आता कंपनीचे नाव Zomato ऐवजी Eternal Limited असेल.

कंपनीचे सीईओ दीपंदर गोयल यांनी सांगितले की, कंपनीचे नाव बदलण्यास परवानगी देण्यात आली आहे. २० मार्च २०२५ पासून कंपनीचे नाव बदलले आहे. झोमॅटोने नियामक फाइलिंगमध्ये कंपनीचे नाव २० मार्च २०२५ पासून “Eternal Limited” केले असल्याची माहिती दिली आहे.

गेल्या महिन्यात झोमॅटोचे संस्थापक आणि सीईओ दीपंदर गोयल यांनी सांगितले होते की, आमच्या बोर्डाने या बदलाला मान्यता दिली असून मी आमच्या भागधारकांनाही या बदलाला पाठिंबा देण्याची विनंती करतो. ती मंजूर झाल्यास आमची कॉर्पोरेट वेबसाइट zomato.com वरून eternal.com अशी बदलेल.

कंपनी दुसऱ्यांदा स्वत:चे रीब्रँडिंग करत आहे. २००८ मध्ये फूडबे म्हणून कंपनीची स्थापना झाली होती. २०१० मध्ये त्याचे नाव झोमॅटो करण्यात आले.

झोमॅटोने आपल्या कंपनी ब्लिंकिटचे भविष्य लक्षात घेऊन हा निर्णय घेतला आहे. दीपंदर गोयल यांनी सांगितले होते की, जेव्हा आम्ही ब्लिंकिट हे नवीन उत्पादन म्हणून सुरू केले तेव्हा कंपनीच्या माध्यमातून त्याची जाहिरात करण्यात आली. झोमॅटो सारखी कंपनी बनल्यावर तिचे नाव बदलू असे आमच्या मनात होते. ब्लिंकिटने ती जागा घेतल्याचे आम्हाला वाटते. ब्लिंकिटचा व्यवसाय वाढावा यासाठी कंपनीने हा निर्णय घेतला आहे. दरम्यान, फूड डिलिव्हर करणाऱ्या झोमॅटोच्या नावात कुठलाही बदल होणार नाही.