सरकारी गॅरंटीसह दुप्पट फायदा! पोस्ट ऑफिसच्या 'या' FD स्कीममध्ये पैसे गुंतवल्यास मिळेल बंपर रिटर्न!

Post Office Saving Schemes : भारतीय डाक विभाग फक्त पत्रव्यवहाराचीच नव्हे, तर बँकिंग आणि गुंतवणुकीची सुरक्षित सेवाही पुरवते. पोस्ट ऑफिसची मुजत ठेव योजना (जी टाइम डिपॉझिट - TD नावाने ओळखली जाते) सध्या अनेक बँकांच्या एफडीपेक्षा जास्त व्याज देत आहे.

पोस्ट ऑफिसमध्ये एफडीला 'टाइम डिपॉझिट स्कीम' असे म्हटले जाते. यात तुम्ही १, २, ३ आणि ५ वर्षांसाठी गुंतवणूक करू शकता.

पोस्ट ऑफिस सध्या ५ वर्षांच्या FD वर सर्वाधिक ७.५% इतका बंपर व्याजदर देत आहे, जो अनेक मोठ्या बँकांपेक्षा जास्त आहे.

जर तुम्ही ५ वर्षांसाठी १,००,००० रुपये गुंतवले, तर मॅच्युरिटीवर तुम्हाला व्याजासह एकूण १,४४,९९५ रुपये मिळतील. म्हणजे तुम्हाला निश्चित ४४,९९५ रुपये व्याज मिळेल.

पोस्ट ऑफिस थेट केंद्र सरकारच्या अधीन काम करते. त्यामुळे या गुंतवणुकीवर तुम्हाला सरकारी हमी मिळते, ज्यामुळे तुमचे पैसे पूर्णपणे सुरक्षित राहतात.

या स्कीममध्ये तुम्ही कमीतकमी १,००० रुपये जमा करू शकता, तर जास्तीत जास्त रकमेवर कोणतीही मर्यादा नाही.

तुम्ही या स्कीममध्ये सिंगल खात्यासोबतच जॉइंट अकाउंट देखील उघडू शकता, ज्यात जास्तीत जास्त तीन लोकांना सहभागी होता येते.

पोस्ट ऑफिसमध्ये आरडी, एमआयएस, पीपीएफ आणि एसएसए (सुकन्या समृद्धी) अशा इतर अनेक बचत योजनांमध्ये देखील गुंतवणूक करता येते.

पोस्ट ऑफिसच्या एफडी स्कीममध्ये सर्वसामान्य नागरिक आणि ज्येष्ठ नागरिक या दोघांनाही समान व्याजदर मिळतो.