साप्ताहिक राशीभविष्य: ८ राशींना लाभच लाभ, गुंतवणुकीत नफा; व्यापारात वृद्धी, अनुकूल आठवडा!

Weekly Horoscope: ०२ फेब्रुवारी २०२५ ते ०८ फेब्रुवारी २०२५ हा कालावधी तुमच्यासाठी कसा असेल? जाणून घ्या, तुमचे या आठवड्याचे साप्ताहिक राशीभविष्य…

Weekly Horoscope: या सप्ताहात कुठलाही ग्रहपालट नाही. ग्रहस्थिती अशी हर्षल मेष राशीत, गुरू वृषभ राशीत, मंगळ मिथुन राशीत, केतु कन्या राशीत आहे. रवी, बुध आणि प्लूटो मकर राशीत, तर शनी कुंभ राशीत आहे. शुक्र, राहु आणि नेपच्यून मीन राशीत आहे.

चंद्राचे भ्रमण मीन, मेष, वृषभ आणि मिथुन राशीतून राहील. रविवारी वसंत पंचमी आहे. मंगळवारी रथसप्तमी आहे. शनिवारी जया एकादशी आहे. रविवारी पूर्ण दिवस पंचक आहे. सोमवारी रात्री ११.१७ पर्यंत पंचक राहील.

यासह सूर्यषष्ठी, भीष्माष्टमी, दासबोध जयंती यांसारखे विशेष दिवसही आहेत. तसेच गजकेसरी योग, परिवर्तन योग असे राजयोग जुळून आले आहेत. एकूणच ग्रहस्थितीचा विचार करता कोणत्या राशींवर कसा प्रभाव असू शकतो? जाणून घेऊया...

मेष: हा आठवडा चांगला आहे. नोकरी करणाऱ्या व्यक्तींनी अचानकपणे कोणताही निर्णय घेऊ नये. त्याचबरोबर एखादे अवैध काम करण्यास प्रवृत्त होण्याची संभावना आहे. हा आठवडा व्यापाऱ्यांसाठी सामान्यच आहे. विद्यार्थ्यांनी अभ्यासाकडे कोणत्याही प्रकारे दुर्लक्ष करू नये. जास्त पैसा फुटकळ कामात खर्च करण्याची शक्यता आहे. ह्या आठवड्यात प्रेमीजनांना त्यांच्या नात्यात थोडा तणाव असल्याची जाणीव होईल. विवाहितांनी ह्या आठवड्यात शांत राहावे. ह्या व्यतिरिक्त आपले नाते अधिक दृढ करण्यासाठी त्यांनी जोडीदाराच्या सहवासात जास्तीत जास्त वेळ घालविण्याचा प्रयत्न करावा. त्यामुळे त्यांच्यातील सर्व गैरसमज दूर होऊ शकतील.

वृषभ: हा आठवडा सामान्यच आहे. नोकरी करणाऱ्यांचे सकारात्मक विचार त्यांची सर्व कामे पूर्ण करण्यास त्यांना मदत करतील. नकारात्मक विचार त्यांनी पूर्ण केलेल्या कामात खोडा घालतील. ज्या व्यक्ती नोकरी बदलण्याच्या विचारात आहेत त्यांना थोडे दिवस थांबण्याचा सल्ला देण्यात येत आहे. हा आठवडा व्यापारासाठी चांगला आहे. त्यांचा परदेशात ओळखी होऊ शकतात. एखाद्या कामासाठी कर्ज घ्यावयाचे असेल तर ते आपणास ह्या आठवड्यात मिळू शकते. त्यामुळे सर्व कामे होऊ शकतील. ह्या आठवड्यात विद्यार्थ्यांचे अभ्यासात लक्ष लागणार नाही. असे असले तरी स्पर्धा परीक्षेची तयारी करणाऱ्या विद्यार्थ्यांना यश प्राप्त होऊ शकते. विवाहितांनी त्यांचे नाते संभाळण्याचा प्रयत्न करावा. असे केल्याने आपण जोडीदारासह सुखात नांदू शकाल.

मिथुन: हा आठवडा सामान्य आहे. ज्या व्यक्ती नोकरीत नवीन संधीची वाट बघत आहेत, त्यांना मेहनत वाढवावी लागेल. ह्या व्यतिरिक्त त्यांना वरिष्ठांशी जुळवून घ्यावे लागेल. व्यापाऱ्यांसाठी आठवडा अनुकूल आहे. घराचे नूतनीकरण करावयाचे असेल तर अंदाजपत्रक बनवूनच ते करावे. ह्या आठवड्यात विद्यार्थ्यांचे अभ्यासात लक्ष लागणार नाही. काही कारणाने ते मानसिक तणावाखाली वावरत असण्याची संभावना आहे. वैवाहिक जीवन सुखद होईल. आपण आपल्या जोडीदाराच्या सहवासात एकांतात वेळ घालविण्याचा प्रयत्न कराल.

कर्क: हा आठवडा चांगला आहे. नोकरी करणाऱ्या व्यक्ती एखाद्या नवीन प्रकल्पात सहभागी होऊ शकतात. त्यामुळे वरिष्ठांच्या नजरेत वेगळी ओळख निर्माण होईल. व्यापाऱ्यांसाठी आठवडा चांगला आहे. त्यांच्या नवीन ओळखी होऊ शकतात, ज्या व्यापारवृद्धीस उपयुक्त ठरतील. ह्या आठवड्यात आहारावर विशेष लक्ष द्यावे लागेल. ह्या आठवड्यात घराच्या नूतनीकरणावर जास्त पैसा खर्च होऊ शकतो. विद्यार्थ्यांना ह्या आठवड्यात मेहनत वाढवावी लागेल. ह्या आठवड्यात युवकांच्या आयुष्यात अशा एखाद्या नवीन व्यक्तीचा प्रवेश होऊ शकतो की जिला मनातील गोष्टी सांगू शकाल. विवाहितांसाठी आठवडा काहीसा त्रासदायी आहे. असे असले तरी सामंजस्याने आपण हे त्रास सहजपणे दूर करू शकाल.

सिंह: हा आठवडा मध्यम फलदायी आहे. ज्या व्यक्ती नोकरी करतात त्यांना यशस्वी होण्यासाठी जास्त मेहनत व संघर्ष करावा लागेल. कदाचित वरिष्ठांच्या एखाद्या वक्तव्याने द्विधेत राहू शकता. व्यापाऱ्यांना अपेक्षित फल प्राप्तीसाठी आव्हानांचा सामना करावा लागेल. ह्या आठवड्यात एखाद्या कार्यासाठी आर्थिक दृष्ट्या कठोर पाऊले उचलावी लागू शकतात. शेअर्स बाजारात गुंतवणूक करण्यासाठी हा आठवडा प्रतिकूल आहे. प्रेमीजनांना अहंकार बाजूस ठेवावा लागेल, अन्यथा त्यांच्या नात्यात कटुता येऊ शकते. विवाहितांना त्यांचे वैवाहिक जीवन सुखद होण्यासाठी जोडीदाराशी समन्वय साधावा लागेल.

कन्या: हा आठवडा अनुकूल आहे. व्यापाऱ्यांना व्यापारानिमित्त भरपूर प्रवास करावे लागू शकतात. नोकरी करणाऱ्यांसाठी हा आठवडा जास्त कष्टदायी आहे. शरीर तंदुरुस्त ठेवण्यासाठी आपण नियमितपणे योगासने करावीत. हा आठवडा आर्थिक खर्चाचा आहे. घराच्या नूतनीकरणासाठी काही पैसे खर्च करू शकाल. विद्यार्थ्यांना अपेक्षित परिणाम मिळविण्यासाठी जास्त मेहनत करावी लागू शकते. प्रेमीजनांच्या नात्यात आलेली कटुता व गैरसमज ह्या आठवड्यात दूर होऊ शकतात. वैवाहिक जीवन सुखद होईल. जोडीदारासह बाहेर फिरावयास जाऊ शकाल.

तूळ: हा आठवडा चांगला आहे. नोकरी करणाऱ्या व्यक्तींना कार्यक्षेत्री सावध राहावे लागेल. ह्या दरम्यान वरिष्ठांशी कोणत्याही प्रकारचा वाद घालणे टाळावे. व्यापाऱ्यांना ह्या आठवड्यात कामे सावधपणे करावी लागतील. अन्यथा त्यांना व्यापारात कमतरतेचा सामना करावा लागू शकतो. ह्या आठवड्यात प्रकृतीची काळजी घ्यावी लागेल. जमीन किंवा एखादी प्रॉपर्टी खरेदी करण्याचा विचार करत असाल तर सर्व बाजू नीट तपासून मगच पुढे जावे. विद्यार्थ्यांना एकाग्रतेने अभ्यास करण्यासाठी इतर व्यर्थ गोष्टींवरून लक्ष हटवावे लागेल. असे केल्यानेच अध्ययनात यशस्वी होऊ शकाल. प्रेमीजन त्यांच्या प्रेमिकेशी असलेल्या नात्यामुळे काहीसे बेचैन राहतील. विवाहितांच्या वैवाहिक जीवनात तणावाची स्थिती निर्माण होऊ शकते. मानसिक शांतता भंग पावेल. अशा वेळी संयमात राहणे शहाणपणाचे ठरेल.

वृश्चिक: हा आठवडा सामान्य फलदायी आहे. ज्या व्यक्तींना नोकरी बदलायची आहे त्यांच्यासाठी हा आठवडा प्रतिकूल आहे. तेव्हा त्या बाबतीत पुढे जाऊ नये. व्यापाऱ्यांसाठी आठवडा सामान्यच आहे. त्यांनी फक्त व्यापार पुढे नेण्यासाठी परिश्रम करत राहावे. सट्टा बाजारात गुंतवणूक करणाऱ्यांसाठी आठवडा अनुकूल आहे. जे विद्यार्थी उच्च शिक्षणासाठी बाहेरगावी जाण्यास इच्छुक आहेत त्यांच्यासाठी आठवडा अनुकूल आहे. ज्या व्यक्तींनी एखादे कर्ज घेतले असेल त्यांना कर्जफेड करण्यास आठवडा अनुकूल आहे. प्रेमीजनांची पूर्वीची प्रेमिका त्यांच्याकडे परतण्याची संभावना असली तरी आता पूर्वी सारखे प्रेम राहणार नाही. विवाहितांनी पूर्वीच्या गोष्टी विसरून नाते दृढ करण्याचा प्रयत्न करणे हितावह होईल.

धनु: हा आठवडा चांगला आहे. ज्या व्यक्तींना नोकरीत बदल करावयाचा आहे त्यांच्यासाठी आठवडा अनुकूल आहे. सट्टा किंवा शेअर्स बाजारात आर्थिक गुंतवणूक करावयाची असेल तर ती विचारपूर्वक करावी. व्यापारात एखाद्या चुकीमुळे नुकसान होऊ शकते. ह्या आठवड्यात निष्कारण तणाव घेणे टाळल्यास आरोग्य उत्तम राहू शकते. विद्यार्थी स्पर्धा परीक्षेची तयारी करत आहेत, ते अति आत्मविश्वासामुळे अयशस्वी होण्याची संभावना आहे. एखाद्या गैरसमजामुळे प्रेमिकेशी आपले भांडण होण्याची संभावना असून त्यामुळे नात्यातील दुरावा वाढू शकतो. वैवाहिक जीवनासाठी आठवडा अनुकूल आहे. जोडीदारासह बाहेर फिरावयास जाऊ शकाल.

मकर: हा आठवडा चांगला आहे. नोकरी करणाऱ्या व्यक्ती त्यांच्या कार्यक्षेत्रात यशस्वी होऊ शकतात. ज्यांना नोकरी बदलायची आहे त्यांच्यासाठी आठवडा अनुकूल आहे. योग्यतेनुसार चांगली संधी मिळू शकते. ह्या आठवड्यात व्यापाऱ्यांनी कोणत्याही प्रकारचे बदल करणे टाळावे. ह्या आठवड्यात शेअर्स किंवा सट्टा बाजारात केलेली गुतंवणूक नुकसानदायी होऊ शकते. ज्यांना तीव्र डोकेदुखीचा त्रास आहे त्यांनी ह्या आठवड्यात विशेष काळजी घ्यावी. दिनचर्येत योगासन व व्यायामास विशेष स्थान द्यावे. ह्या आठवड्यात विद्यार्थ्यांना नव्याने संधी मिळू शकते. एखाद्या संशोधनात सहभागी होऊ शकता. वैवाहिक जीवन सुखद होईल. जोडीदारासह बाहेर फिरावयास जाऊ शकता.

कुंभ: हा आठवडा चांगला आहे. ज्या व्यक्तींना नोकरी बदलावयाची आहे, त्यांच्यासाठी आठवडा अनुकूल आहे. ह्या आठवड्यात व्यापाऱ्यांना उन्नतीची संधी मिळू शकेल. ह्या आठवड्यात प्रकृती बिघडण्याची संभावना आहे. निष्काळजीपणामुळे रक्तवाहिन्यांशी संबंधित एखादी समस्या त्रास देऊ शकते. ह्या आठवड्यात घराचे नूतनीकरण करण्यात व अनावश्यक वस्तूंच्या खरेदीत खर्च जास्त होऊ शकतो. एखाद्या व्यावसायिक अभ्यासक्रमासाठी हा आठवडा अनुकूल आहे. ह्या आठवड्यात कार्यालयातील एखाद्या व्यक्तीशी जवळीक वाढून त्याचे रूपांतर प्रेमात होऊ शकते. वैवाहिक जीवनात जोडीदाराशी भांडण होण्याची संभावना आहे. हे भांडण चार भिंतीतच राहील ह्याचा प्रयत्न करावा.

मीन: हा आठवडा चांगला आहे. असे असले तरी नोकरी करणाऱ्या व्यक्तींना एखाद्या समस्येस सामोरे जावे लागू शकते. शासकीय नोकरीत असणाऱ्या व्यक्ती नोकरीत बदल करू इच्छित असतील तर त्यांच्यासाठी आठवडा प्रतिकूल आहे. व्यापाऱ्यांसाठी आठवडा चांगला आहे. व्यापारास पुढे नेण्यासाठी परिश्रम करत राहावे. ह्या आठवड्यात वाहन चालवताना काळजी घ्यावी. विद्यार्थ्यांना आठवडा अनुकूल आहे. एखादा व्यवसायाभिमुख विषयाचा अभ्यास करावयाचा असेल तर त्यात यशस्वी होऊ शकता. प्रेमिकेशी काही गैरसमज झाले असतील तर ते ह्या आठवड्यात दूर होऊ शकतील. वैवाहिक जीवनात एखाद्या तिसऱ्या व्यक्तीमुळे आपल्या जोडीदारावर शंका घेण्याऐवजी नात्यात आपुलकी निर्माण करण्याचा प्रयत्न करावा.