Vastu Tips: घराच्या उत्तर दिशेला ठेवा 'या' ५ वस्तू, कुबेर महाराज म्हणतील तथास्तु!

Vastu Tips: वास्तुशास्त्रामध्ये प्रत्येक दिशेचे विशेष महत्त्व सांगितले आहे. तसेच प्रत्येक दिशेची देवताही ठरलेली आहे. तुम्हाला तुमच्या वास्तूमध्ये धन-संपत्तीची वाढ व्हावी असे वाटत असेल तर उत्तर दिशेसंबंधी पुढील वास्तू नियमांचे पालन करा(Vastu Tips to attract money, wealth from north direction)

वास्तू शास्त्रात कोणत्या दिशेला कोणती वस्तू ठेवणे शुभ आहे आणि कोणती वस्तू ठेवणे अशुभ असते त्याची नियमावली दिली आहे. घर छोटे असो वा मोठे, त्यात पुढील वास्तू नियमांचे पालन करणे सहज सोपे आहे. कसे ते पाहू.

आपल्या घराची सुख-समृद्धी आणि कुटुंबाचे कल्याण याच शुभ-अशुभ प्रभावांवर अवलंबून असते. या सर्व दिशांमध्ये उत्तर दिशा ही अत्यंत महत्त्वपूर्ण मानली जाते, कारण ही दिशा धन आणि संपत्तीचे देवता भगवान कुबेर यांची मानली जाते.

उत्तर दिशेतील शुभ आणि धनवर्धक वस्तू ठेवावी असे सांगितले जाते. कारण, उत्तर दिशा ही सुख-समृद्धीची दिशा मानली जाते. या दिशेला काही विशिष्ट वस्तू ठेवल्यास तुमच्या जीवनात धनलाभ आणि प्रगती होण्यास मदत होते.

१. तुळशीचे रोपटे (Tulsi Plant)

उत्तर दिशेत तुळशीचे रोपटे लावणे अत्यंत शुभ मानले जाते. यामुळे घरात पती-पत्नीमध्ये होणारे क्लेश कमी होतात आणि संबंध अधिक मधुर बनतात. तुळशीच्या रोपातील सकारात्मक ऊर्जा घरामध्ये शांतता टिकवून ठेवते.

२. आरसा (Mirror)

घरात प्रगती आणण्यासाठी उत्तर दिशेमध्ये आरसा लावणे शुभ मानले जाते. असे केल्याने घरात आनंद येतो. जे लोक नोकरी करतात किंवा व्यापार करतात, त्यांच्या करिअरमध्ये उत्तम प्रगती होते आणि यशाचे नवे मार्ग उघडतात.

३. भगवान कुबेरांची मूर्ती किंवा चित्र:

घरात आर्थिक समृद्धी प्राप्त करण्यासाठी उत्तर दिशेत भगवान कुबेरांची मूर्ती ठेवावी. हे शक्य नसल्यास, कुबेर देवतेचे चित्र लावणे देखील शुभ मानले जाते. कुबेर हे धनाचे रक्षक आहेत, त्यामुळे या उपायाने घरात कधीही पैशाची कमतरता भासत नाही.

४. फिश एक्वेरियम (Fish Aquarium) :

वास्तुशास्त्रानुसार, मासे हे सुख आणि समृद्धीचे प्रतीक मानले जातात. त्यामुळे घराच्या उत्तर दिशेत एक्वेरियम ठेवणे खूप शुभ मानले जाते. यामुळे भगवान विष्णू आणि माता लक्ष्मी तुमच्यावर प्रसन्न राहतात, ज्यामुळे घरात आनंद आणि खुशहाली टिकून राहते.

५. फिकट निळा रंग (Light Blue Colour) :

उत्तर दिशेची ऊर्जा वाढवण्यासाठी या दिशेला फिकट निळ्या रंगाचा पेंट (रंग) करावा. असे केल्याने घरात लाभाचे नवीन अवसर येतात आणि उत्पन्नाचे नवे मार्ग तयार होतात. यामुळे तुमची आर्थिक स्थिती मजबूत होते.

६. मनी प्लांट (Money Plant) :

उत्तर दिशेला मनी प्लांट लावणे अत्यंत शुभदायक मानले जाते. या दिशेत मनी प्लांट लावल्याने तुमच्या घरात पैशाची आवक वाढते आणि आर्थिक अडचणी दूर होण्यास मदत होते.

या सोप्या वास्तु उपायांनी तुम्ही तुमच्या घराची उत्तर दिशा प्रभावी आणि सकारात्मक बनवू शकता, ज्यामुळे तुम्हाला धन, समृद्धी आणि आनंद प्राप्त होईल. टीप: वास्तूचे नियम हे केवळ एक मार्गदर्शक तत्त्वे आहेत. वास्तुदोष निवारणासाठी तज्ज्ञांचा सल्ला घेणे नेहमीच योग्य ठरते.