TVS चा Bajaj ला पुन्हा धोबीपछाड! Chetak ला मात देत विक्रीत नोंदवली १०,८४३ टक्के प्रचंड वाढ; पाहा

TVS And Bajaj सप्टेंबर महिन्यात TVS ने Bajaj ला इलेक्ट्रिक स्कूटर सेगमेंटमध्ये पुन्हा एकदा मागे टाकले आहे.

पेट्रोल आणि डिझेलच्या सततच्या वाढत्या किमतीमुळे इलेक्ट्रिक वाहनांच्या मागणीत मोठी वाढ झाल्याचे पाहायला मिळत आहे. इलेक्ट्रिक कारसह इलेक्ट्रिक स्कूटरची मागणीही वाढताना दिसत आहे.

देशातील दोन आघाडीच्या वाहन निर्मात्या TVS मोटर्स आणि बजाज ऑटोने देशांतर्गत बाजारात त्यांच्या पहिल्या इलेक्ट्रिक स्कूटर बजाज चेतक आणि TVS iQube लाँच केल्या. या दोन स्कूटरची तुलना बाजारात आल्यानंतरच सुरू झाली, पण सप्टेंबर महिन्यात TVS iQube ने बजाज चेतक इलेक्ट्रिक स्कूटरला पुन्हा एकदा मागे टाकले आहे.

भारतात इलेक्ट्रिक टू-व्हीलर सेगमेंटमध्ये बजाज ऑटो आणि टीव्हीएस मोटर्स यांच्या चेतक (Bajaj Chetak) व आयक्यूब (TVS iQube ) या दोन प्रमुख इलेक्ट्रिक स्कूटर उपलब्ध आहेत. सप्टेंबर महिन्यात बजाज ऑटोने आपल्या एकमेव इलेक्ट्रिक स्कूटर चेतकच्या ६४२ युनिट्सची विक्री केली आहे. हा आकडा कमी वाटत असला तरी गेल्या वर्षी याच महिन्यात कंपनीने फक्त २८८ चेतक इलेक्ट्रिक स्कूटर विकल्या होत्या.

चेतकची विक्री १२३ टक्क्यांनी वाढली आहे. बजाज चेतकची मागणी वाढली असली, तरीही सप्टेंबर महिन्यात TVS iQube ने पुन्हा एकदा चेतकवर मात केली आहे. सप्टेंबर महिन्यात दोन्ही स्कूटरच्या विक्रीत फारसा फरक नाही. TVS Motors ने या महिन्यात iCube च्या एकूण ७६६ युनिट्सची विक्री केली आहे. विक्रीचा हा आकडा खूप मोठा आहे.

गेल्या वर्षी सप्टेंबर महिन्यात फक्त टीव्हीएसने फक्त ७ इलेक्ट्रिक स्कूटर भारतात विकल्या होत्या. ७५९ जास्त स्कूटर विकल्यामुळे यंदा iCube च्या विक्रीमध्ये गेल्या वर्षीच्या तुलनेत तब्बल १० हजार ८४३ टक्के इतकी प्रचंड मोठी वाढ नोंदवण्यात आली आहे. या दोन्ही स्कूटर किंमत आणि ड्रायव्हिंग रेंज या दोन्ही बाबतीत एकमेकांना जबरदस्त स्पर्धा देतात.

Bajaj Chetak या स्कूटरमध्ये कंपनीने 3kWh क्षमतेचा IP67 रेटेड लिथियम-आयन बॅटरी पॅक वापरला आहे. त्यात दिलेली इलेक्ट्रिक मोटर 4kW पॉवर आणि 16Nm पीक टॉर्क जनरेट करते. ही स्कूटर इको मोडमध्ये जास्तीत जास्त ९५ किमी पर्यंत ड्रायव्हिंग रेंज देते, तर ती स्पोर्ट मोडमध्ये ८५ किमी पर्यंत चालवता येते.

Bajaj Chetak स्कुटरमध्ये एलईडी हेडलाइट, एलईडी डेटाइम रनिंग लाइट्स आणि फुल-डिजिटल इंस्ट्रुमेंट कन्सोल आहेत. शिवाय दोन्ही बाजूंना १२-इंचाचे अॅलॉय व्हिल्स आहेत. नव्या इलेक्ट्रिक चेतकमध्ये रिव्हर्स गिअरचाही पर्याय आहे. चेतकमध्ये मोनोशॉक सस्पेंशन असून दोन्ही टायर्सना डिस्क ब्रेक आहेत.

Bajaj Chetak मल्टी स्पोक अॅलॉय व्हीलसह ट्यूबलेस टायर असलेल्या या स्कूटरच्या पुढील बाजूला कंपनीने राउंड शेप हेडलाइट दिले आहेत. यात डिजिटल इंस्ट्रुमेंट क्लस्टर, की-लेस इग्निशन, पुढील बाजूला हेडलँप्सजवळ ओव्हल LED स्ट्रिप यांसारखे अनेक प्रीमियम फीचर्स आहेत. याच्या बेसि व्हेरिअंटची किंमत १ लाख रुपये आणि प्रीमियम व्हेरिअंटची किंमत १.१५ लाख रुपये आहे.

तर दुसरीकडे, TVS iQube या इलेक्ट्रिक स्कूटरमध्ये 4.4kW क्षमतेची इलेक्ट्रिक मोटर वापरण्यात आली आहे. कंपनीचा दावा आहे की ही स्कूटर एका चार्जवर 75 किमी पर्यंत ड्रायव्हिंग रेंज देते आणि तिचा टॉप स्पीड 78 किमी प्रति तास आहे. ही स्कूटर केवळ 4.2 सेकंदात ताशी 40 किलोमीटरचा वेग पकडण्यास सक्षम आहे. यात 2.25kWh क्षमतेचा लिथियम-आयन बॅटरी वापरण्यात आला आहे.

TVS iQube या इलेक्ट्रिक स्कूटरची बॅटरी स्टँडर्ड 5A चार्जरद्वारे ४ ते ५ तासांत पूर्ण चार्ज होते. या स्कूटरमध्ये हँडल दरम्यान ब्लॅक काउल आहे. स्कूटरमध्ये यू शेप एलईडी डीआरएल, क्रिस्टर क्लियर एलईडी हेडलॅम्प दिले आहे. तसेच, कनेक्ट टेक्नोलॉजी सोबत स्मार्ट एक्सकनेक्ट प्लॅटफॉर्म दिला आहे.

TVS iQube या स्कूटरमध्ये क्यू पार्क असिस्ट, डे अँड नाइट डिस्प्ले आणि रिजनरेटिव ब्रेकिंग यासारखे खास फीचर्स आहेत. तसेच, जियो-फेंसिंग, नेविगेशन असिस्ट, रिमोट बॅटरी चार्ज स्टेटस, लास्ट पार्क लोकेशन, इनकमिंग कॉल अलर्ट आणि एसएमएस अलर्ट यांसारखे फीचर्सही मिळतील. या स्कूटरची किंमत १ लाख रुपये आहे.